Minkunga 81:1 - Nkanda Wu Moyo Nguizani yimona ayi minkunga

¹ Yimbidilanu Nzambi mu khini ; niandi zingolo zieto ! Yamikinanu kuidi Nzambi yi Yakobi !

Minkunga 81:1 Iomraidhean Croise

Minkunga 28:7

Yave niandi zingolo ziama ayi nkakuꞌama. Ntimꞌama wuntulanga diana mu niandi ayi ndisadusu. Ntimꞌama weti mona khini yi ngolo ayi ndiela kumvutudila matondo mu nkungꞌama.

Minkunga 46:11

Yave nkua ngolo yoso widi yeto. Nzambi yi Yakobi niandi suamunu kieto ki ngolo.

Minkunga 50:1

Nkua lulendo ; Nzambi, Yave tubidi ayi kutikisidi ntoto tonina ku ntotukilanga thangu nate buangu keti diamina.

Minkunga 52:7

“Vava vadi mutu wukambulu kitula Nzambi zingolo ziandi Vayi wubedi tulanga diana diandi mu kimvuama kiandi kiwombo ayi wukitukidi mutu wu ngolo mu bunganga bankaka.”

Minkunga 66:1

Ntoto wumvimba, yamikinanu mu khini kuidi Nzambi,

Minkunga 67:4

Bika makanda mayangalala ayi mayimbila mu diambu di khini bila ngeyo weti yadila batu mu busonga ; ngeyo wela diatisa makanda ma ntoto.

Minkunga 8:1

Yave, Pfumu eto ! Tala buevi dizina diaku didi di nzitusu va ntoto wumvimba. Ngeyo wutula nkemboꞌaku viokila diyilu.

Matayi 22:32

Minu ndidi Nzambi yi Abalahami, yi Isaki ayi yi Yakobi e ? Nzambi kasi Nzambi yi batu bafua ko vayi Nzambi yi batu badi moyo.

Filipi 4:13

Minu ndilenda vanga mambu mamo mu diambu di mutu wowo wukukhindisanga.