Minkunga 13:2 - Nkanda Wu Moyo Nguizani yimona ayi minkunga

² Nate thangu mbi ndiela kukinuanisanga mu mayingu mama e ? Nate thangu mbi ndiela bela maniongo mu ntimꞌama mu kadika lumbu e ? Nate thangu mbi mbeni ama kela ku ndunginanga e ?

Minkunga 13:2 Iomraidhean Croise

Minkunga 10:18

Mu diambu di nuanisa muana sana ayi mutu weti yamusu muingi mutu widi va ntoto kabika monisa tsisi.

Minkunga 116:3

Minsinga mi lufua mimfietikisa ; tsisi yi tsi yi bafua yibua va minu ; ndibedoso kuidi ziphasi ayi maniongo.

Minkunga 17:9

mu diambu di batu bambimbi beti kundiamisa, mu diambu di bambeni ziama zieti kunzungidila ; ziosi zintomba lufua luama.

Minkunga 31:18

Bika bididi bintotulanga luvunu biba dio sui ; mu luniemo ayi mu mvuezolo beti yolukila mu luyanu kuidi mutu wusonga.

Minkunga 38:17

Bila nduka bua ndieka ayi ziphasi ziama zidi kaka mu minu.

Minkunga 42:4

Mambu momo ndieti tebukila moyo banga minu ndintiamuna muelꞌama : buevi ndibedi kuendilanga va kimosi ayi nkangu wu batu, mu kuba diatisa mu ntanda nate ku nzo Nzambi mu biyoko bi khini ayi mu phutudulu yi matondo va khatitsika batu bawombo badi mu nyengo.

Minkunga 6:4

Vutikisa ntima, a Yave, wukhudi, wuphukisa mu diambu di luzolo luaku lu ngolo.

Minkunga 7:2

Muingi babika ku khanzuna banga khosi ayi kunzenga mu bitini mu kambu mutu wulenda vukisa.

Minkunga 74:10

Nate thangu mbi mbeni kela kusekinina, a Nzambi e ? Nate thangu mbi mutu wundendidi kela lenzilanga dizina diaku mu zithangu zioso e ?

Minkunga 74:18

Tebuka moyo buevi mbeni kalembo sekinina, a Yave, buevi bivungisi balenzila dizina diaku !

Minkunga 8:2

Mu bididi bi bana balezi ayi bi bana batsombi, ngeyo wutuma mu totukila nzitusu mu diambu di bambeni ziaku ; mu diambu di kanga miunu mi bobo beti ku lenda, ayi mutu wowo wumvutulanga mambimbi mu mambimbi.

Minkunga 9:6

Mbivusu yikambulu tsukulu yibuididi bambeni ; wutiolumuna mavula mawu ayi malendi buela tebukulu moyo ko.

Matayi 26:38

Bosi wuba kamba : —Muelꞌama weka kiaki nate nduka mu fua. Lusiala vava vayi luleka nkielo va kimosi ayi minu.

Luka 22:53

Bilumbu bioso bu ndibedi yeno mu nzo Nzambi ayi kadi mutu kadiaku khanga ko vayi buabu yawu thangu eno ayi thangu yi luyalu lu tombi.

Yowani 16:6

Vayi mu diambu ndilukembi mambu mama, kiadi kiwedi mu mintima mieno.

Loma 9:2

ti kiadi kingolo kidi yama ayi phasi yika yilendi suka ko yidi yama mu ntima.

Filipi 2:27

Kimbevo kingolo kiba yandi, fioti fisiala nganu wufua ; vayi Nzambi wummona kiadi. Bika sia ti niandi kuandi kaka Nzambi kamonina kiadi vayi ayi minu mamvama muingi ndibika banga mu kiadi mu zithangu zioso.