Minkunga 100:3 - Nkanda Wu Moyo Nguizani yimona ayi minkunga

³ Luzaba ti Yave niandi Nzambi. Niandi wutuvanga ayi niandi wutuvuidi. Tuidi batu bandi ; nkangu andi, wu mamemi wowo kedi dikila.

Minkunga 100:3 Iomraidhean Croise

Minkunga 119:73

Mioko miaku miawu mikhubika ayi miphanga. Bika wuphana tsudukulu yi longukila zithumunu ziaku.

Minkunga 12:4

Batu bobo bantubanga : “Tuela nunga mu diambu di ludimi lueto, bididi bieto bidi bieto veka ; nani wulenda ba Pfumu eto ?”

Minkunga 149:2

Bika Iseli kamona khini mu diambu di mvangi awu Bika batu ba Sioni bayangalala mu diambu di ntinu awu.

Minkunga 46:10

Luba dio sui ayi luzaba ti minu Nzambi. Ndiela yayusu muidi makanda, ndiela yayisa va ntoto.

Minkunga 78:52

Vayi wutotula batu bandi banga mamemi ; wuba tuadisa banga nkangu wu bibulu mu dikanga.

Minkunga 79:13

Buna beto batu baku, nkangu aku wu mamemi weti dikila ; tuela kuzitisa mu zithangu zioso ; mu tsungi ka tsungi, tuela yolukila minzitusu miaku.

Minkunga 95:3

Bila Yave widi Nzambi yinneni, ntinu wunneni va yilu zinzambi zioso.

Yowani 17:3

Muaki luzingu lukalumani luidi mu kuzaba ngeyo Nzambi yimosi kakayi kiedika ayi mu zaba Yesu Klisto mutu wowo wutuma.

2 Kolinto 4:6

Bila Nzambi yoyi yituba : bika kiezila kiba va khatitsika tombi, niandi wukienzuka mu mintima mieto muingi kakienzula nzayilu yi nkembo andi wowo widi mu zizi ki Klisto.

Efeso 2:10

Bila beto tuidi bivangu biandi ; tuvangu mu Klisto Yesu mu diambu di vanganga mavanga mamboti momo Nzambi kakubika tona thama muingi tusadila mawu.

1 Piela 2:25

Bila luba banga mameme mazimbala vayi buabu luvutukidi kuidi mvungi ayi nsungi wu miela mieno.

1 Piela 2:9

Vayi beno luidi nkuna wu batu basobolo, dikabu di banganga Nzambi, dikanda dinlongo ; batu bobo Nzambi kavuidi mu diambu lusamuna mavangamutu wowo wulutela bu luba mu tombi muingi luiza ku kiezila kiandi kimboti.

1 Piela 4:19

Diawu batu bobo balembo moni ziphasi mu luzolo lu Nzambi, buna bika bakiyekula kuidi mvangi, niandi widi wukuikama ; ayi bika batatamana vanganga mamboti.

1 Yowani 5:20

Muaki tuzebi ti Muana Nzambi wuyiza ayi wutuvana diela muingi tuzaba mutu wukiedika ayi beto tuidi mu khati yi mutu wukiedika. Mutu beni Yesu Klisto. Niandi Nzambi yikiedika ayi niandi luzingu lukalumani.