Minkunga 1:3 - Nkanda Wu Moyo Nguizani yimona ayi minkunga

³ Mutu beni widi banga nti wukunu va muenda nlangu ; wowo wumbutanga makundi mu tsungi andi ayi meza mandi mayumanga ko ; weti mona mamboti mu mamo keti vanganga.

Minkunga 1:3 Iomraidhean Croise

Minkunga 128:2

Ngeyo wela dia mbutu wu kisalu kiaku. Lusakumunu ayi mamboti biela ba biaku.

Minkunga 129:8

Bika bobo bamviokila vana babika tuba : “lusakumunu lu Yave lubanga yeno ! Tueti kulusakumuna mu dizina di Yave !”

Minkunga 92:14

bela buta mimbutu banza mu bununu buawu bu ngolo ; badi kaka banlangu ayi meza ma nlangu madi yawu.

Minkunga 92:15

Mu yamikisanga Yave widi wululama Niandi ditadi diama ayi mambimbi masi ko mu niandi.

Matayi 13:6

Vayi muini wungolo bu wutotuka, mintuidila beni miyokana ayi miyuma bila mianzi miawu misia kota ko mboti mu tsi ntoto.

Matayi 21:19

Bu kamona nti wumosi wu figi va ndambu nzila, wufikama vaba nti beni vayi meza na meza kaka kamona. Buna wukamba nti beni : —Wulendi buela butanga kadi dikundi dimosi ko ! Muna thangu beni nti wu figi wutumbu yuma.

Matayi 21:34

Thangu yi mvelongo mimbutu bu yifuana, wutuma bisadi biandi kuidi bisadi biobi kadefisa ndima beni muingi belandi ndambuꞌandi mimbutu.

Matayi 21:41

Bamvutudila : —Wela vonda, mu kambu kiadi batu bobo bambimbi. Bosi wela defisa ndima yi vinu beni kuidi minkuni minkaka miomi miela kumvananga mimbutu mu kadika thangu yeti velo mimbutu !

Yowani 15:6

Enati mutu kasi wukangama mu minu buna wunlozungu ku nganda nanga ditafi ayi weti yuma. Beti kupikanga matafi beni, meti tulungu ku mbazu ayi meti vianga mbazu.

Yuda 1:12

Bawu beti bivisa malambu meno ma kithuadi bu bandianga, va kimosi ayi beno mu minyengo mu kambu ku tsisi. Bakukibanzilanga kaka bawu veka. Badedikini banga matuti mankambu nokisa zimvula ayi momo mamvevumunungu kuidi phemo ; badedikini banga minti minkambulu buta mimbutu mu tsungi awu : bawu bafua mu zikhumbu zizole, bavuzu.

Tsongolo 22:2

wunkumba va khatitsika nzila yi divula. Ku ndambu yi ndambu yi nlangu kuba nti wu luzingu. Nti beni wumbutanga mimbutu kumi ayi zikhumbu zizole mu mvu ; wumbutanga mimbutu khumbu yimosi mu kadika ngondi. Meza ma nti beni meti belusa makanda ma batu.