Luka 5:24 - Nkanda Wu Moyo Nguizani yimona ayi minkunga

²⁴ Vayi muingi luzaba ti muana mutu beki lulendo va ntoto lu lemvukila masumu… Buna wukamba dikoka : —Minu ndikutumina : “Telema, bonga kiphoyi kiaku ayi vutuka ku nzoꞌaku !”

Luka 5:24 Iomraidhean Croise

Tsongolo 1:13

Va khatitsika di tsambudi di bima biobi beti tetika minda vaba mutu wumosi wudedakana banga Muana Mutu. Mutu beni wuvuata dizuela dimula ditula nate mu malu ayi wuvuata sentila yi nolo va thulu.

Mavanga 14:10

buna wunkamba mu mbembo yi ngolo : —Telama kuaku ! Mutu beni wudumuka ayi wutona diata.

Mavanga 9:40

Vayi Piela bu katotula batu boso ku nganda, buna wufukama, wusambila, wutadisa ku ndambu kubela mvumbi ayi wutuba : —Tabita ! Kotuka kuaku ! Mbadi Tabita wuzibula meso ; Wumona Piela, wuvuanda.

Mavanga 9:34

Piela wunkamba : —A Ene ! Yesu beti tedila Klisto wubelusidi. Telama kuaku ! Kubika mbukꞌaku ngeyo veka. Vana vawu wutelama.

Mavanga 5:31

Vayi Nzambi wunnangika bu kamvuandisa va koko kuandi ku lubakala banga Pfumu ayi Mvulusi mu diambu di basi Iseli babalula mavanga ayi balemvokolo mu masumu.

Yowani 17:2

bu didi ti ngeyo wumvana lulendo mu batu boso mu diambu kavana luzingulukalumani kuidi babo bobo wumvana.

Yowani 11:43

Bu kamana tuba mambu momo, Yesu wuyamikina mau mbembo yingolo : —Lazale, totuka !

Yowani 5:27

Sumbu kadi ti Muana Mutu, buna wumvana lulendo lu sambisila.

Yowani 3:13

Kuisi ko mutu wukuma ku Diyilu, botula kaka Mutu wukulumuka va ntoto bu kaba ku Diyilu : Muana mutu niandi kaka wukuma ku diyilu.

Luka 8:54

Buna Yesu wusimba koko ku muana ndumba ayi wutuba mu mbembo yingolo : —Muanꞌama, telama kuaku.

Luka 7:14

Bosi wufikama vaba kesi yi mvumbi ayi wutetika koko kuandi va mbata kesi beni. Bobo banata kesi batelama. Buna wukamba : —Ndikutumina, muana ditoko, telama kuaku !

Luka 5:13

Yesu wunonuna koko kuandi, wunsimba ayi wunkamba : —Nyinga, thidi, vedila kuaku ! Mu yina thangu, wuvedila mu buazi buandi.

Matayi 28:18

Yesu wufikama va baba ayi wuba kamba : —Minu baveni lulendo loso tona ku Diyilu nate vava ntoto.

Matayi 26:64

Yesu wumvutudila : —Nyinga ! Banga kuandi butubidi. Buela diaka ndikulukamba : tona buabu luela mona Muana Mutu vuendi va koko ku lubakala lu mutu wowo lutidi lulendo ayi wunkuizila va matuti ma diyilu.

Matayi 25:31

—Mu thangu Muana Mutu kela kuiza mu nkembo andi va kimosi ayi zimbasi zioso, wela vuanda va Kundu kiandi ki nkembo.

Matayi 16:13

Yesu bu katula ku zunga ki Sezali mu Filipi, wuyuvula minlonguki miandi : —Buevi batu beti tubanga, Muana Mutu widi nani ?

Matayi 9:6

Vayi muingi luzaba mboti ti Muana Mutu beki lulendo vava ntoto mu lemvukila masumu. Buna wutala dikoka ayi wunkamba : —Telama, bonga kiphoyi kiaku, vutuka ku nzoꞌaku.

Matayi 4:24

Zitsangu ziandi zimana tembakana mu tsi yoso yi Sili ayi bannatina batu boso baba bimbevo ; bobo bamona ziphasi zi phila mu phila ; ayi yamusu ku phila mu phila, bobo baba ziphevi zimbimbi, bobo baba kimbevo kisisuka ayi bobo baba kimbevo kivonga mianzi. Yesu wumana babelusa.

Luka 5:18

Zimbukila babakala batotuka, banata dikoka mu kimpoyi. Batomba diluaku di kunkotisila mu nzo muingi bantula va ntuala Yesu.

Luka 5:23

Mbi bilutidi kambu phasi mu kamba : “Masumu maku malemvokolo” voti “telama kuaku ayi diata ?”