Luka 4:41 - Nkanda Wu Moyo Nguizani yimona ayi minkunga

⁴¹ Ziphevi zimbimbi zitotuka mu batu bawombo. Sumbu zintotuka zi kuenda yamikina : —Ngeyo widi Muana Nzambi. Vayi Yesu wutemina ziphevi beni zimbimbi ayi kasia zivana ko minsua mu yoluka bila zizaba ti niandi Klisto.

Luka 4:41 Iomraidhean Croise

Matayi 26:63

Yesu kasia vutula kadi diambu ko. Pfumu banganga Nzambi wunkamba : —Ndikulomba mu dizina di Nzambi yi moyo, wutukambi ti ngeyo klisto, Muana Nzambi.

Matayi 4:3

Mbadi mvukumuni wuyiza va kaba ayi wunkamba : —Enati widi Muana Nzambi buna kamba matadi mama makituka mapha.

Matayi 8:16

Mu masika mana, banatina Yesu batu bawombo bobo baba ayi ziphevi zimbimbi. Mu mambu mandi katuba muawu kakukila ziphevi beni zimbimbi. Ayi wubelusa batu boso bobo baba bimbevo.

Matayi 8:29

Bayamikina : —Diambu mbi tidi kutuvanga ngeyo Muana Nzambi e ? Wizidi mu kutuyamisa tuamina thanguꞌeto yifuana e ?

Matayi 8:4

Bosi Yesu wunkamba : —Vayi keba, kadi kamba kadi kuidi mutu wumosi mambu mama vayi yenda kimonisa kuidi nganga Nzambi ayi nata dikaba dilomba Moyize mu diambu diba kimbangi kuidi bawu.

Malako 1:25

Yesu wutemina pheve yimbimbi ayi wuntumina : —Bika biyoko, totuka mu mutu wawu !

Malako 1:32

Mu masika, thangu bu yidiama, bannatina bambevo zioso ayi batu bobo baba ziphevi zimbimbi.

Malako 1:34

Wubelusa batu bawombo baba bimbevo bi phila mu phila ayi wukukaziphevi ziwombo zimbimbi ayi wuzikandika zibika yoluka bila zizaba Yesu niandi nani.

Malako 3:11

Bosi thangu batu baba ziphevi zimbimbi bammona, babua va ntualꞌandiayi bayamikina : —Ngeyo widi Muana Nzambi !

Luka 4:39

Wuyinama va kaba, wutemina zinzangala ayi ziawu zitumbu kumbika. Buna nzitu wu Simoni wutelama mu nsualu ayi wuba kubikila bidia.

Yowani 20:31

Vayi mambu mama masonama muingi luwilukila ti Yesu niandi Klisto, Muana wu Nzambi, muingi lubaka luzingu mu dizina diandi beno bu luwilukidi.

Zaki 2:19

Ngeyo weti wilukila ti Nzambi yimosi kaka yidi. Bomboti kuandi ; vayi ziphevi zimbimbi zieti wilukila ti Nzambi yimosi kaka yidi ayi zieti tita.