Loma 2:3 - Nkanda Wu Moyo Nguizani yimona ayi minkunga

³ Ngeyo mutu wunsambisanga batu bobo bamvanganga mambu maphila yoyi ngeyo veka wukumasadilanga, wumbanzila ti wela tina tsambusulu yi Nzambi e ?

Loma 2:3 Iomraidhean Croise

Loma 1:32

Bazebi bumboti nzengolo yisonga yi Nzambi yintuba ti : batu bamvanganga mambu mambimbi ma phila yayi bafueni mu vondo. Ka diambu ko buawu bobo beti vanga vayi beti mona khini mu diambu di batu bobo bamvanganga mawu.

1 Tesalonika 5:3

Batu bu bela tuba : “Beto tuidi mu ndembama ayi mu luvovomo” Buna mbivusu yingolo yela babuila mu kinzimbukila banga mianga mi nketo weka buta ayi balendi baka bu tinina ko.

Luka 12:14

Vayi Yesu wumvutudila : —A Nkundi ama, nani wumbiekidi zuzi dieno voti nkabudi wu kiuka kieno e ?

Luka 22:58

Buela vuanda fioti, mutu wunkaka wumona Piela ayi wunkamba : —Ngeyo widi mu dikabu di batu bobo ! Vayi Piela wuvutula ti : —A bakala, minu ndisi ko mu dikabu diawu.

Matayi 26:53

Ngeyo wumbanza ti ndilendi lomba kuidi Dise diama ayi vana vawu niandi kalendi ko kumfidisila zimbasi viokila kumi ayi lengio biodi ko e ?

Matayi 23:33

A beno zinioka ! Bana ba bikusa ! A buevi lulenda tinina nkanu wu bulungi e ?

Minkunga 50:21

Mambu mana mawu wuvanga vayi ndiba dio sui. Ngeyo wubanzila ti minu ndedikini banga ngeyo Vayi minu ndiela kutubidila ayi kufunda va zizi kiaku ku ntuala meso maku.

Ebelewo 12:25

Lukeba tala luedi kambu wila mutu wowo wulembo yoluka. Bila enati bobo bamanga wila mutu wowo wuba lubula vava ntoto, basia vuka ko mu thumbudulu ; buna buevi buela bela kuidi beto enati tutembi manima kuidi mutu wowo wulembo yoluka tona ku Diyilu e ?

Ebelewo 2:3

buna buevi tulenda vukila enati tulembo lenzi phulusu yoyi yinneni ? Lolo niandi veka Pfumu katuama samuna bosi yikindusu kuidi batu bobo banwa.

Luka 22:60

Vayi Piela wuvutula ti : —A bakala, ndisi zaba ko diambumbi wunyolukila ! Muna thangu buna wukidi tubi tsusu yikokula.

Minkunga 56:7

Balendi vukila kani mu kipholo kiawu kimosi ko e ? Mu nganzi aku, a Nzambi, bedisa makanda

Loma 2:1

Diawu, kadi phengomokono wisi ko ngeyo mutu ; wuba kuaku nani ; ngeyo wunsambisa bila bu wulembo sambisa bankaka buna wulembo kukibedisa ngeyo veka ; bila wumvanganga mambu momo beti vanga.

Loma 2:2

Muaki tuzebi ti tsambusulu yi Nzambi yidi yikiedika kuidi batu bobo beti vanganga mambu ma phila yayi.

Loma 9:20

Mutu, ngeyo widi nani mu findana ziphaka ayi Nzambi e ? Kima kivangu kilenda tuba kuidi mutu wuvanga kiawu ti : “Bila mbiwuphangila buabu e ?”