Filipi 3:16 - Nkanda Wu Moyo Nguizani yimona ayi minkunga

¹⁶ Vayi mu tezo kieki tueka, bika tudiatila mu mayindu mamosi.

Filipi 3:16 Iomraidhean Croise

Loma 12:16

Bika luwizananga beno na beno. Bika mayindu meno mabika ba mu bima bizangama ; lufubakananga ayi batu bobo bakuki kululanga. Bosi lubika banza ti beno lulutidi diela.

Loma 15:5

Bika Nzambi, tho yi mvibudulu ayi yi lubombolo kaluvana, mu beno na beno, mayindu mamosi boso buididi Klisto Yesu

Ngalatiya 5:7

Beno luzawula thinu bumboti vayi nani wulukandikidi muingi lubika tumukina mambu ma kiedika e ?

Ngalatiya 6:16

Bika ndembama ayi kiadi ki Nzambi biba kuidi babo beta landakana thumunu yayi va kimosi ayi kuidi nkangu wu Iseli wu Nzambi.

Filipi 1:27

Vayi bika ludiatila kaka mu khadulu yifueni mu diambu di Nsamu wu Klisto muingi buba ti ndizidi voti ndilumona, voti ndikambu kuiza, ndiwa ti beno luidi lutelama mu Pheve yimosi kaka ayi lunnuana mudiela dimosi mu diambu di minu ki Nsamu Wumboti,

Filipi 2:2

buna ludukisa khini ama : luba mayindu mamosi ; luba luzolo lumosi, Pheve yimosi ayi mayindu meno mabanga kaka mu diambu dimosi kaka.

Filipi 4:2

Minu ndileba Evodi ayi Sintisha, baba mayindu mamosi mu Pfumu.

Kolosayi 2:6

Diawu, sumbu lutambudila Klisto Yesu banga Pfumu, buna bika ludiatila mu niandi.

Kolosayi 4:2

Lutatamana ayi luzibula meso mu lusambulu va kimosi ayi phutudulu yi matondo.

Tsongolo 3:3

Tebuka moyo mu mambu momo wutambula ayi wuwa. Keba mawu ayi balula mavanga. Bila enati wukadi zibula meso, buna ndiela kuiza kuidi ngeyo banga muivi ayi wulendi zaba thangu ko yoyi ndiela kuizila kuidi ngeyo.