Filipi 3:1 - Nkanda Wu Moyo Nguizani yimona ayi minkunga

¹ Mu manisa, bakhomba ziama, monanu khini mu Pfumu. Kadi kuandi phasi kuidi minumu kulusonikina mambu momo ndilusonikina vayi didi thomoso kuidi beno.

Filipi 3:1 Iomraidhean Croise

Minkunga 149:2

Bika Iseli kamona khini mu diambu di mvangi awu Bika batu ba Sioni bayangalala mu diambu di ntinu awu.

Minkunga 32:11

Monanu khini ayi luyangadala mu Yave beno basonga. Luyimbila, beno boso luidi balulama mu mintima.

Minkunga 33:1

Luyimbila Yave mu khini beno basonga Bufueni ti mutu widi ntima lulama kanzitisa.

Minkunga 37:4

Mona khini mu Yave buna wela kuvana mambu mantomba ntimꞌaku.

Minkunga 42:4

Mambu momo ndieti tebukila moyo banga minu ndintiamuna muelꞌama : buevi ndibedi kuendilanga va kimosi ayi nkangu wu batu, mu kuba diatisa mu ntanda nate ku nzo Nzambi mu biyoko bi khini ayi mu phutudulu yi matondo va khatitsika batu bawombo badi mu nyengo.

Minkunga 5:11

Vayi bika babo bantomba suamunu mu ngeyo bamona khini. Wuba bika bayimbila mu khini mu zithangu zioso ayi bika wuba keba. Muingi bobo beti zola dizina diaku, bamona khini mu ngeyo.

Minkunga 97:1

Yave weti yala, bika ntoto wuyangalala. Bika bisanga biobi bidi thama bimona nkini.

Matayi 5:12

Lumona kueno khini, lusakadala bila mfutu wunneni wukuluvingila ku Diyilu. Luzaba mboti ti mimbikudi mi lutuamina mamvawu bobo bayamusulu.

Luka 1:47

ayi mpeve yama yilembo mona khini mu diambu di Nzambi, Mvulusi ama.

Loma 5:11

Bika sia ti momo kaka vayi tulembo kiniemisa mu Nzambi mu diambu di Pfumu eto Yesu Klisto, mu niandi muvutukididi nguizani ayi Nzambi.

2 Kolinto 13:11

Bakhomba baama, mbanisini kuama. Bika lubanga mu khini, lusala mu diambu di luba bafuana ; lukikindisanga beno na beno, luzingilanga mu nguizani. Luzingilanga mu ndembama, buna Nzambi yi luzolo ayi yi ndembama wela ba va beno.

Efeso 6:10

Mu manisa, bika lukikindisanga mu Pfumu ayi mu lulendo lu zingolo ziandi.

Filipi 3:3

Bila beto tuidi batu bobo bazengo mu bukiedika ; tunsambilanga mu Pheve yi Nzambi ayi tueti kukiniemisanga mu Klisto Yesu ayi tutulanga ko diana dieto mu mambu ma nsuni,

Filipi 4:4

Bika lumonanga khini mu zithangu zioso mu Pfumu. Ndieka buela vutukila, bika lumonanga khini.

Filipi 4:8

A bakhomba, mambu moso makiedika, mambu masonga, mambu moso mavedila, mambu moso mafueni mu zola, mambu moso mayenda tsangu yimboti, enati vadi diambu dimboti, diambu difueni niemoso ; buna bika mambu momo maba mu mayindu meno.

1 Tesalonika 4:1

Zikhomba, mu manisa, beto tululonga buevi buzingila luzingu lummonisanga Nzambi khini ; ayi buawu bobo lulembo zingila. Buabu tukululomba ayi ku lulubula mu Pfumu Yesu mu luta buela vanga ngolo.

1 Tesalonika 5:16

Lumonanga khini mu zithangu zioso.

Zaki 1:2

A bakhomba ziama, bika lumona khini mu thangu luidi mu zithotolo ziphila mu phila.

1 Piela 3:8

Bosi, bika beno boso luba mayindu mamosi ; bika lumonasananga kiadi ; bika luzolasananga banga bakhomba ; bika luba batu bamboti ; bika lukikululanga.

1 Piela 4:13

Vayi bika lumona khini bila lunnata ndambu yi ziphasi zi Klisto muingi beno mamveno lumona khini mu thangu kela monika mu nkemboꞌandi woso.

2 Piela 3:1

Bakundi bama, wawu nkanda wummuadi ndieka kulusonikina. Mu wowo wutheti ayi mu wawu ndintomba kotula diela dieno divedila mu kulutebula moyo mu mambu mama