Luti 3:9 - Bible en Kiyombe

⁹ Buna Boazi wunyuvula: «Nge nani?» Buna wumvutudila: «Minu ndidi Luti sielo kiaku kinketo, fuiti yalumuna tsongi yunga kiaku va mbata kisadi kiaku, bila widi nkudi.»

Luti 3:9 Iomraidhean Croise

Luti 2:20

Buna Naomi wukamba nzitu andi: «Bika kasakumunu kudi Yave wukambu yambulanga nlemvo andi kudi badi moyo ayi bafua! Bakala diodio widi wumosi mu minkudi mieto.»

Luti 3:10

Buna Boazi wukamba: «Bika Nzambi kakusakumuna, muana ami wunketo busongidi ntima aku wumbote mu khumbu yayi yinzole viokila yo yitheti, bukembo landakana ba matoko, baphutu voti bamvuama

Luti 3:12

Vayi buabu, ti bukedika ndidi nkudi, nkudi wunkaka widi, butu kindutidi fikama.

Luti 3:8

Mu ndingu tsi, bakala wutimuka. Wuyinama kuntuala ayi wumona, nketo wumosi wuleka kuwanda di malu mandi!

Luti 4:4

Kudi minu, ndikikembi ti fuiti kukamba diawu: Sumba tini ki ntoto beni va ntuala basi tsi ayi bakulutu ba batu beto. Ti tidi kula tini kintoto beni, kula kiawu vayi ti mengi ku kikula, wukhamba muingi ndizaba bila kuisi ko wunkaka tika ngeyo ko wulenda kula kiawu, bila minu ku mbusa aku ndidi.» Buna nkudi wuluta fikama wunkamba: «Minu ndiela kula kiawu.»

Luti 4:6

Buna nkudi wuluta fikama wukamba: «Ndilendi ko kula tini ki ntoto beni diambu ndibika sikisa mvuilu ami. Ngeyo, kula kuaku kiawu mu minsua miami mi nkudi, bila ndilendi ko kukikula.»