Luti 3:12 - Bible en Kiyombe

¹² Vayi buabu, ti bukedika ndidi nkudi, nkudi wunkaka widi, butu kindutidi fikama.

Luti 3:12 Iomraidhean Croise

Luti 2:20

Buna Naomi wukamba nzitu andi: «Bika kasakumunu kudi Yave wukambu yambulanga nlemvo andi kudi badi moyo ayi bafua! Bakala diodio widi wumosi mu minkudi mieto.»

Luti 3:11

Vayi buabu , muana ami wunketo, kadi mona wonga. Mamo mawuntuba, mandi vangila mawu bila batu babo bankalanga va muelo mbanza bazebi ti widi nketo wulutidi wumbote.

Luti 3:13

Leka vava builu buabu, ayi tala mankuiza mbazi mu nsuka: Ti tidi kukula, diambu di mbote, kakukula. Vayi ti dikadi kunyangidika mu kukula, buna minu ndiela kukula, inga, mu kedika Yave bukadi moyo. Leka nate mu nsuka.»

Luti 4:1

Landila dio, Boazi wukuma va muelo mbanza ayi wukala vana. Tumbu zimbukila, butu kiluta fikama kitubila Boazi kilembo vioki. Buna wuntela mbila: «Nge kingandi, fikama ayi kala vava.» Ayi mutu beni wuvutuka ayi wukala.

Luti 4:4

Kudi minu, ndikikembi ti fuiti kukamba diawu: Sumba tini ki ntoto beni va ntuala basi tsi ayi bakulutu ba batu beto. Ti tidi kula tini kintoto beni, kula kiawu vayi ti mengi ku kikula, wukhamba muingi ndizaba bila kuisi ko wunkaka tika ngeyo ko wulenda kula kiawu, bila minu ku mbusa aku ndidi.» Buna nkudi wuluta fikama wunkamba: «Minu ndiela kula kiawu.»