Luti 3:10 - Bible en Kiyombe

¹⁰ Buna Boazi wukamba: «Bika Nzambi kakusakumuna, muana ami wunketo busongidi ntima aku wumbote mu khumbu yayi yinzole viokila yo yitheti, bukembo landakana ba matoko, baphutu voti bamvuama

Luti 3:10 Iomraidhean Croise

1 Mose 24:31

Bu katula va dibulu di nlangu, wunkamba: «Yiza, ngeyo wusakumunu kudi Nzambi. Bila mbi tedimini vava? Mbemana kubika fulu mu diambu diaku ayi zikamela ziaku.»

Luti 1:8

Buna Naomi wukamba bazitu bandi bole: "Yendeno, vutukeno, mutu mutu ku nzo ngudi andi. Bika Yave kalusonga nlemvo banga beno bulusongele nlemvo kudi bobo bafuidi ayi kudi minu.

Luti 2:11

Boazi wumvutidila : «Bakhembi mbote mamo mawuvengi mu diambu di nzitu aku tona bakala diaku kafua ayi boso bu wubikila se diaku, ngudi aku ayi tsi aku yiwubutukila mu kuenda kudi batu bawuteka kambu zaba va thete.

Luti 2:20

Buna Naomi wukamba nzitu andi: «Bika kasakumunu kudi Yave wukambu yambulanga nlemvo andi kudi badi moyo ayi bafua! Bakala diodio widi wumosi mu minkudi mieto.»

Luti 2:4

Landila dio Boazi wuyiza botuka ku Betelemi ayi wukamba mimvedi: «Bika Yave kaba neno!» Bawu bamvuntudila: «Bika Yave kakusakumuna!»

Luti 3:9

Buna Boazi wunyuvula: «Nge nani?» Buna wumvutudila: «Minu ndidi Luti sielo kiaku kinketo, fuiti yalumuna tsongi yunga kiaku va mbata kisadi kiaku, bila widi nkudi.»