1 Mose 24:7 - Bible en Kiyombe

⁷ Yave, Nzambi yi zulu, wuthotula mu kanda di se diami ayi mu tsi yindibutukila ayi wudia ndefi ti makavana tsi yayi kudi nkuna ami wuwo, ayi makafidisa mbasi andi ku ntuala aku muingi wukuedila muana ami nketo kuna.

1 Mose 24:7 Iomraidhean Croise

1 Mose 13:15

Bila tsi yiyo yi wulembo moni, ndiela kuvana yawu banga mvuilu aku ayi kudi nkuna aku mu thangu zizio

1 Mose 15:18

Mu lumbu kina Yave wuvanga nguizani ayi Abalami. Wunkamba : «Mu kedika, kudi nkuna aku ndiela vana tsi yayi tona ku nzadi yi Ngipiti nate ku nzadi yi Efalata, nzadi yinene.

1 Mose 26:24

Yave wumonikina mu builu buna ayi wunkamba: «Ndidi Nzambi yi se diaku Abalahami. Kadi mona tsisi bila ndidi yaku ayi mu kedika mandikusakumuna ayi niekisa nkuna aku mu diambu di kisadi kiami Abalahami.»

1 Mose 17:8

Tala, kudi ngeyo ayi kudi nkuna aku wela kuiza ku mbusa aku, ndiela vana tsi yikinzenza yiwulembo kadi, tsi yiyo yi Kanana, banga mvuilu aku mu thangu zizio, ayi mu kedika mandikimonisa Nzambi kudi bawu.»

Yona 1:9

Buna Yona wubavutudila: «Minu, ndidi nyudayo, ayi ndivuminanga Yave, Nzambi yi (zulu), Yandi wuvanga m'bu ayi ntoto wuyuma.»

1 Mose 16:7

Landila dio, mbasi yi Yave wumbata va muenda tho yi nlangu mu tsiyikhatu, va tho yi nlangu yidi mu nzila yi Suli.

1 Mose 21:17

Buna Nzambi wuwa mbembo muana bakala, ayi tona ku zulu mbasi yi Nzambi yitela Angali. Yinyuvula: «Mbi bidi yaku, Angali? Kadi mona wonga bila Nzambi wilu mbembo muana vana va kadi.

1 Mose 22:11

Vayi mbasi yi Yave yintela tona ku zulu ayi wuboka: «Abalahami!» «Abalahami!» Yandi wuvutula:«Minu niandu.»

1 Mose 24:3

bila mfueti kulevisa ndefi mu zina di Nzambi wuvanga zulu ayi ntoto mu kambu kuedisa muana ami Isaki nketo mu zindumba zi basi Kanana mu tsi yindilembo kadi.

1 Mose 24:40

Buna yandi wumvutudila: «Yave wundimvuminanga mu ndiatulu ami makafidisa mbasi andi ayi ngeyo muingi katomisa nzila aku, fueti bakila muana ami wu bakala nketo va khati ka kanda di ayi mu nzo yi se diami.