1 Mose 22:3 - Bible en Kiyombe

³ Abalahami wutelama nsuka nabu, wukubika phunda andi, ayi wubonga bisadi biandi biole bi matoko ayi Isaki, muana andi. Wutiaba zikhuni zi yokila nkayilu. Wuyenda va fulu kiokio kinnkangu Nzambi.

1 Mose 22:3 Iomraidhean Croise

1 Mose 17:23

Abalahami wubonga muana andi wu bakala Isamayeli ayi babakala babo babutukila mu nzo andi ayi bakasumba mu mbongo, babakala babo baba mu nzo Abalahami, wubazenga masutu kio kiawu lumbu banga bunkambila Nzambi.

1 Mose 21:14

Abalahmi wukotuka mu nsuka nabu, wubonga dipha ayi mvungu nlangu wuvana biawu kudi Angali. Wutula muana va mavembo ma Angali ayi wunkuka. Buna wuyenda kue zungananga mu tsi yikhatu yi Beli-Seba.

1 Mose 22:18

Mu nzila andi, makanda mamo va ntoto mamasakumunu, bila tumimini mbembo ami.»

1 Mose 22:2

Yave wuvutula diaka: «Ndikubombidila, bonga muana aku wubakala, muana aku wumosi kaka, Isaki, wuwunzolanga beni, yenda mu tsi yi Moliya ayi wundiokila wo nkayilukuna, va mongo wowo wumandimonisa.»

1 Mose 22:4

Mu lumbu kintatu, Abalahami wuvumbula meso ayi wumona fulu beni mu thatuki.