1 Mose 20:3 - Bible en Kiyombe

³ Bilumbu bivioka, Nzambi wumonika Abimeki va builu mu ndozi ayi wunkamba: «Keba kuaku wulembo monikina banga mutu wufua mu diambu di nketo wowo wuwubongidi, bila wukuela kadi.»

1 Mose 20:3 Iomraidhean Croise

1 Mose 12:17

Vayi mu diambu di Salayi, nketo Abalami, Yave wubuisa bivunga bingolo kudi Falao ayi batu babo baba mu nzo andi.

1 Mose 12:18

Buna Falao wutumisa Abalami ayi wunyuvula: «Bila mbi wuphangidi diphila yayi? Bila mbi kambu kukhambila ti nketo aku?

1 Mose 20:7

Vayi buabu vutula nketo Abalahami kudi bakala diandi bila niandi mbikudi kadi, makadila mvutu ayi mawuzinga. Ti wukadi kumvutula, zaba ti mawufua ngeyo ayi batu baku bavuidi.»

1 Mose 28:12

Wuloto ndozi: Mueni kikada kitelama va ntoto ayi ntu kiawu wutula nate ku zulu. Zimbasi zi Nzambi zikuma ayi zikulumuka mu kiawu.

1 Mose 31:24

Vayi Nzambi wuyiza bata Labani muisi Alami mu ndozi mu builu ayi wunkamba: «Keba vanga diambu diambi kudi Yakobi.»

1 Mose 37:5

Ku zimunina Yosefi wulota ndozi ayi wukamba yawu bakomba ziandi zi babakala buna babaka diaka diambu ditoma kunlendila.

1 Mose 37:9

Landila mambu mama Yosefi wubuela loto ndozi yinkaka ayi wuyikamba bakhomba ziandi zi babakala, wutuba: «Ndotolo diaka ndozi yinkaka, ayi tala, thangu, ngonda ayi kumi mbuetete mosi bifukama nate va ntuala ami.»

1 Mose 40:5

Buna bawu babole balota mutu ayi yandi ndozi, mu builu bumosi, mutu na ndozi andi. Kadika ndozi ayi mbangudulu andi, mfumu nuiki malavu ayi mfumu nlambi mapha bavuiwulu kudi ntinu Ngipiti, baba basi buloko mu nzo buloko.

1 Mose 40:8

Buna bankamba: «Tulotolo ndozi ayi tuisi ko mbangudi.» Vayi Yosefi wubakamba: «Zimbangudulu zivuiwulu kudi Nzambi. Lukhamba ndozi yilulotidi, ndikulubombidila.»

1 Mose 46:2

Buna Nzambi wumokana ayi Isaeli mu mona-meso, va builu. Wukamba: «Yakobi! Yakobi!» Yakobi wuvutula : «Minu niandu, ndilembo kuwe»

Yona 3:4

Ku zimunina Yona wutona kota mu mbanza lumbu kimvimba ki diata, ayi wuboka, wukamba: «Makumi maya ma bilumbu masiedi buna Ninive mayibungu.»