1 Mose 12:2 - Bible en Kiyombe

² Manditula nkulu batu baphuele, mandisakumuna. Mandivanga zina diaku di ba dinnene. Mawuba lusakumunu kudi batu bankaka.

1 Mose 12:2 Iomraidhean Croise

1 Mose 13:16

Mandiniekisa nkuna aku banga kuandi fundu fundu di ntoto, ti batu balenda tanga fundu fundu di ntoto, buna balenda tanga phe nkuna aku.

1 Mose 15:5

Landila dio, wuntotula ku nganda ayi wunkamba: «Tala ku zulu ayi tanga zimbuetete, kani wulenda nunga tangikisa ziawu.» Wubuela diaka: «Bobo buela bela nkuna aku.»

1 Mose 17:20

Vayi mu diambu di Isamayeli, nguilu ndombolo aku. Mandinsakumuna, mandimvana mbutu ayi mandimvana nkuna wuphuele. Makabuta kumi ayi ntinu miole ayi makaba se di dikanda dinnene.

1 Mose 18:18

Abalahami, mukedika, makaba kanda dinnene ayi dingolo, ayi tala makanda mamo madi va ntoto mamasakumunu mu niandi.

1 Mose 18:19

Kadi ndinsola muingi katuma bana bandi ayi kanda diandi dinkuiza ku mbusa andi balanda nzila Yave mu vanga masonga ayi malunungu. Buna Yave wuna lungisa tsilulu zika sila Abalahami.

1 Mose 19:29

Mu thangu Nzambi kaba bunga zimbanza zizungidila Yodani, wubambukila Abalahami moyo ayi wutapula Loti mu vunga bu kabunga zimbanza ziabakalanga Loti.

1 Mose 24:1

Abalahami wununa ngolo. Yave wunsakumuna mu mamo.

1 Mose 24:35

Yave wusakumuna beni mfumu ami ayi wuyikidi mutu wukimvuama. Wumvana nkangu mameme, zikhombo ayi zingombe ziphuele, palata ayi wola, bisadi bi bakheto ayi bi babakala, zikamela ayi ziphunda.

1 Mose 25:11

Landila lufua lu Abalahami, Nzambi wusakumuna Isaki, muana andi ayi Isaki wuba ku Lahayi-Loyi.

1 Mose 26:3

Kala mu tsi beni banga nzenza, mandiba yaku ayi mandikusakumuna. Kudi ngeyo ayi kudi nkuna aku mandivana mintoto mimio ayi bu ndidi Nzambi mandisiamisa ndefi yindileva kudi se diaku Abalahami.

1 Mose 26:4

Mandiniekisa nkuna aku banga zimbuetete zi zulu, mandivana kudi nkuna aku ntoto wuwo, ayi mu nzila nkuna aku makanda mamo va ntoto melasakumunu.

1 Mose 27:29

Bika batu ba Zitsi zinkaka Bakusadila ayi Batu bamakanda Manzenza bakufukimina. Ba mfumu zi Zikhomba ziaku, Bika bana ba ngudi aku Bakubuongimina, Bika kasingu Mutu wela kusinga, Kasakumunu mutu Wela kusakumuna!”»

1 Mose 28:14

Tala nkuna aku mawuba banga fundu fundu di ntoto. Nkuna aku welayalumuka ku ntotukilanga thangu, ku nlekilanga thangu, ku mongo nate ku wanda tsi. Mu nzila aku ayi mu nzila yi bana baku, mandi sakumuna makanda mamo.

1 Mose 35:11

Nzambi wubuela kunkamba: «Ndidi Nzambi, Phungu Tulendo. Butana ayi nieka: Makanda ayi kimvuka ki makanda mabitotukila mu ngeyo ayi mintinu mami totukila mu luketo luaku.

1 Mose 46:3

Nzambi wubuela tuba : «Minu Nzambi, Nzambi se diaku yi se diaku. Kadi mona tsisi mu kulumuka ku Ngipiti, bila kuna mandikitula kanda diaku dineni.