Ŵafilipi 2:26 - Lilangano lya Sambano

²⁶ Jwelejo akunnajila kwannope kwawona ŵanyamwe wose, ŵasongoneche nnope pakuŵa mwapilikene kuti alwasileje.

Chiyawo Bible

²⁶ Nambo sambano akumsacilila kumwona jemanja, mwakuti jwakulagasika mu mtima pakumanyilila kuti jemanja mwapikene kuti jwalakwejo akulwala.

Ŵafilipi 2:26 Iomraidhean Croise

Matayo 11:28

Njisanje kukwangu ŵanyamwe wose unkusauka ni kutopelwa ni misigo jakutopa, none chinampumusye.

Matayo 26:37

Ŵalongene nawo che Petulo pamo ni ŵanache ŵaŵili ŵa chilume ŵa che Sebedayo, ŵatandite kusupuka nnope ni kulagasika.

Masengo 21:13

Nambo che Paolo nsyene ŵajanjile, “Ana nkusaka kupanganya chichi? Nkusaka kuusupusya ntima wangu ni misosi jenu? Ndili chile ngaŵa kutaŵikwa pe ku Yelusalemu kula, nambo atamuno kuwa kwa ligongo lya Ambuje Che Yesu.”

Ŵaloma 1:11

Pakuŵa sachile kwannope kummona ŵanyamwe, kuti ngamulangane ni ŵanyamwe mu ntuuka ungupegwa ni Mbumu jwa Akunnungu, kuti mme ŵalimbangene.

Ŵaloma 12:15

Nsengwanje pamo ni ŵakusengwa, nlile pamo ni ŵakulila.

Ŵaloma 9:2

Ngusupuka kwannope ni ndili ni ipwetesi yangamala mu ntima mwangu,

1 Akoli 12:26

Chiŵalo chimo chapotekaga iŵalo ine ikupoteka pamo nacho. Chiŵalo chimo chalapikwaga iŵalo ine ikusengwa pamo nacho.

2 Akoli 9:14

Nombewo chachimpopelela ŵanyamwe kwa ntima wa unonyelo, kwaligongo lya indu yekulungwa yampanganyichisye Akunnungu.

Ŵagalatia 6:2

Njigalilane misigo, kwakupanganya yeleyo chingamalichisye malajisyo ga Kilisito.

Ŵaefeso 3:13

Nipele ngunchondelela kuti kasintenguka ntima kwa kulaga kungulaga kwa ligongo lyenu, pakuŵa ayi yose ili kwa ligongo lya ukulu wenu.

Ŵafilipi 1:3

Ngwatogolela Akunnungu ŵangu katema kose pangunkumbuchila.

Ŵafilipi 1:8

Akunnungu ali jwaumboni jwangu kuti ngusala isyene kuti ngunnonyela ŵanyamwe kwa ntima wangu wose, kwa unonyelo ulaula wa Kilisito Yesu.

Ŵafilipi 2:25

Nambo yamajile kummusya kukwenu nlongo njetu che Epaflodito katumetume njangu pa masengo ga kujichenjela Ngani Jambone. Iyoyo ali jwantenga jwenu jumwantumile achenjeuchile yaikuusoŵa.

Ŵafilipi 2:27

Kusyene, alwasileje mwa kuŵandichila kuwa. Nambo Akunnungu ŵankolele chanasa, nganankolela chanasa jwelejo pe, nambo ni une jwakwe kuti ninapunde kusongoneka.

Ŵafilipi 4:1

Kwayele, achalongo achinjangu ŵakunonyelwa, ngulajila kwannope kwaona sooni. Ŵanyamwe ni ŵanli lukondwa lwangu ni chindu changu chachili mpela singwa. Ŵakunonyelwa ŵangu ngummenda njime kwakulimbangana nkulumbikana ni Ambuje.

1 Petulo 1:6

Msengwanje nkati yeleyo, namuno sambano, kwa katema kakajipi, chinsachilwe kulaga kwa ligongo lya malinjilo gamajinji.