Macce 5:3 - Yegɗohiŋ Muci

³ « Ɓa neɓɗiɗ, ɓooɓi ruhsiɗ haf ciŋ ɓa, ɓa inahha ne ɓa etohiɗ Kooh, laam Nguuriŋ-Ɗafki wa wuu ɓa.

Macce 5:3 Iomraidhean Croise

Yegɗohiŋ Muci Luk fiis 18:14

Yeesu ɓaatta nga ne : « Ñam na woyee ɗu ne, bala juuti'ohi haadan, a yi Kooh ɗaas, a ammba ɗe findi yurhiɗ, waaye Farisena haa. Laam ɓo' nu meeɓ haf ce ɗah, a hey ruhsiɗasse, te ɓo' nu ruhsiɗ haf ce ɗah, a hey meeɓse. »

Saak 2:5

Ɓaah ciŋ ngo ŋ keeñkoh, sikɗukaat to. Ɗu inhiɗ baahiɗ ne a Kooh tan ñakiɗ ciŋ Adina ne ɓa nik raakiɗ ci ngaŋ kos, ɓa raak ɓak ŋ Nguuri a gap ɓi waaɗ ɗe.

Yegɗohiŋ Muci Luk fiis 11:28

Yeesu loffa ɗe ne : « Woya kay ne, ɓooɓi na sikɗuke woo kiŋ Kooh, te ɓa pesohee wa, ɓeɗ neɓu. »

Macce 11:25

Ŋ jamanoocaam, Yeesu woosa ne : « Mi yii corkiɗ ɗa Baab, fu yi Heɗ Eel ci na kehƴi, ŋ ini fu ɗasɗoh heɗ haf ci na ñaañiɗ ci in cii, fu teeɓpa ca komaakci.

Yegɗohiŋ Muci Luk fiis 4:18

« Fuuɗsiŋ Heɗ ɓoo yii nga so, laam a yi kooɗ to ne ŋ kom ñakiɗ ci Yegɗohiŋ Muci, a yi woos so ne ŋ woo ambuuɗ ci faɗsuukiŋ ɓa, ŋ woo fuuliɗ ci ne ɓa hey hote te ŋ nam puliɗ torhiɗuuɗ ci ŋ miskiɗiŋ ɓa,

Maarko 10:14

Yeesu hotta ineem, a ayrukka, a woosa ɓa ne : « Faɗaat komaakci ɓa hay nga so, kinaat ɓa hondoh hay, ɓooɓi mand na ɓa ɓeɗ raak Nguuriŋ-Kooh.

Macce 13:16

Yeesu woyissa taalubeeciŋ ɗe ne : « Waaye ɗu, ɗu neɓɗiɗ, has ciŋ ɗu ca ɗii hot te nof ciŋ ɗu ca ɗii kerah.

Saak 1:12

Ɓoyi gen ndengɗukee ŋ miskiɗ, a neɓɗiɗ ! A hey pule nga na ndam, a rahas raayaani, weɗ kipes ki Kooh gap ɓi waaɗ ɗe.

Saaŋ 20:29

Yeesu woosa ɗe ne : « Hoti fu hot to, weɗ tah ɗa kos ! Ɓa neɓɗiɗ, ɓi kos te ɓa hotɗi ! »

Macce 24:46

Ñaameem hey neɓɗe ne heɗ ce hay, raak ɗe tume ineem findi a nakohee ɗe wa ɗah.

Saak 1:10

Te ɓoyi raak, a neɓsaat ŋ ruhsiɗi Kooh ruhsiɗ ɗe. A inhaat ne a hey seeye findi pos paangi na seeyohe.

Teeɓ ki 22:14

Ɓa neɓɗiɗ, ɓooɓi naaw kulɓaaciŋ ɓa, ɓa hey mine ñam ŋ rimiŋ kidgiŋ kipes ki, te ɓa hey taambe ŋ yahndeer ci, ɓa aas kur-taahi.

Teeɓ ki 19:9

Ŋ ineem, malaakaani woosa so ne « Fiisa ne : Ɓa neɓɗiɗ, ɓooɓi ɓeeɗku ŋ kañam kiŋ kilookiŋ Kuyiŋ Mbaali ƴini ! » Ƴutta a degga nga ne : « Woo cii, ca woo ciŋ Kooh te ca keeh. »

Macce 25:34

Ŋ ineem, buuri hey woye ɓi nik ŋ ñaahmiŋ ɗe ne : “ Hayaat ɗu ɓi Baabiŋ ngo barke'iɗ, ɓayaat Nguuri a kooɗkiɗee ɗu wa adinaani feru po wi.

Macce 11:6

A sumaat, ɓoyi moosanɗi kurkoh ŋ kosi a kos sagu tumohaaɗ ciŋ ngo. »

Macce 8:11

Ñam na woyee ɗu wa, ɓo' laayiɗ hey pulohe ŋ ɓak ci jen, ɓa ɓoof na Ibrahiima, Isaahha na Yaŋhooɓa, ɓa ñamee kañam ka yakka ŋ Nguuraŋ ɗafka.

Macce 3:2

A woyeeɗa ne : « Ɓoƴsohaat pesohaaɗ, Nguuriŋ-Ɗafki reɓiɗ. »

Macce 19:14

A woosa ɓa ne : « Faɗaat komaakci, kinaat ɓa hondoh hay nga so, ɓooɓi mand na ɓa ɓeɗ raak Nguuriŋ-Ɗafki. »

Yegɗohiŋ Muci Luk fiis 22:29

weɗ tah ŋ oniɗ ɗu Nguuri findi Baabiŋ ngo onoh ho wa.

Yegɗohiŋ Muci Luk fiis 22:30

Tahha po ɗu hey ɓaahe na so ɓoo ñamee, ɓoo anee ŋ Nguuriŋ ngo. Ɗu hey ɓoofe ŋ ɓoofoha-buur ne ɗu adgoh cuuɓ ciŋ Israayel ndaŋkiyaah na kanak ci (12). »

Teeɓ ki 3:17

Laam fu yii tipuk ne fu heɗ raak-raak, an fu raakiɗ po fu etohisɗi in, waaye fu inahɗi ne, fu torhiɗ, fu miskohiɗ, fu ɓangtuuɗ, fu fuuliɗ, fu tas-ɓarang !