Macce 4:3 - Yegɗohiŋ Muci

³ Seytaani, yi na jaɗɗohe fiir, reɓpa woosa ɗe ne : « Nik ne fu Kuɓkiŋ Kooh ɗah, woya atoh cii, ca ɓoƴsuk mbuuru. »

Macce 4:3 Iomraidhean Croise

1 Tessalonik 3:5

Wa wa kaɗ po ŋ minisɗi sek, ŋ woossa Timoote ne a markiɗ to ini kaɗ ŋ kosiŋ ɗu, laam ŋ neƴƴoheen ne Seytaani fiir ɗu po pangkiŋ ɓoo kee nika ɓarang ɓarang.

Teeɓ ki 2:10

Fu hey raake miskiɗ waaye kina neƴƴoh. Marka, Seytaani hey ɓeke ɓi ɓo' nga ɗu ŋ kaso ne ɗu markisku, te ɗu hey raake miskiɗ neeh ndaŋkiyaah, waaye kinaat faɗ, ndengɗukaat po ali ɗu kaanoh nga sah ɗu ɓay, ŋ hey ɗu aafe kipes ki reehanɗi.

Macce 3:17

Hooso kerhukka ŋ Eel ci an : « Yii, a yi Kuɓkiŋ ngo ŋ waaɗ keeh-keeh, yi neɓ po ŋ keeñ. »

Heber ci 12:16

Wortukaat po ali ɓo' kinaat nik njaalo'oh wala a heef in ciŋ Kooh, findi Esaaw yi lofkohee waɗi a joyee rahas findi saaw sagu noɗ yino dong.

Pula 16:3

Ɓa woyeeɗa ne : « Nikiɗi joyee ɓoo joy ap ŋ Misra ; ndaam, ɓoo nikee ɓoofiɗ na soƴeecaŋ sepet ca te ɓoo meeɗeen ñam po ɓoo kap nding. Waaye weɗɗi, ɗu ɓayiɗ ɓooɓi jen ndii ne ɓoo kaan na aɗ. »

Tum ci 9:20

Ŋ ɗiska ɗiska, a cammba yegɗoh ŋ sinaagog ca ne Yeesu a yi Kuɓkiŋ Kooh.

Yegɗohiŋ Muci Luk fiis 4:9

Seytaani ɓayissa ɗe Yerusalem, ŋ jol Kahnaŋ Kooh, a woosa ɗe ne : « Nik ne fu Kuɓkiŋ Kooh ɗah, faɗsuka ŋ kehƴi ;

Yegɗohiŋ Muci Luk fiis 4:3

Weɗi Seytaani woyoh ɗe ne : « Nik ne fu Kuɓkiŋ Kooh ɗah, woya atoh fii wa ɓoƴsuk mbuuru. »

Macce 14:33

Taalubeeca nikee ŋ gaala ƴekka ŋ fiki Yeesu, ɓa woosa ne : « Wa keeh ne fu Kuɓkiŋ Kooh ! »

Macce 16:16

Simong Piyeer loffa ɗe ne : « A fu Mucɗohi Gapohse, Kuɓkiŋ Koohi na pese. »

Macce 26:63

Yeesu ɗekka teɗ. Seeƴkiɗoha yakka woosa ɗe ne : « Mi yii meekis ɗah, ŋ tiikiŋ Koohi na pese, woya ɓoo andi a fu Mucɗohi Gapohse, Kuɓkiŋ Kooh ! »

Maarko 1:1

Yegɗohiŋ Muci, ŋ ini kaɗ ŋ Yeesu Kiristaa, Kuɓkiŋ Kooh, camboh an :

Maarko 3:11

Te jiiniici hotta ɗe ɗah, ca fol ɓooɓi ca amb ŋ fikiice, ca leehkiɗukohee ɓa ne : « A fu Kuɓkiŋ Kooh. »

Maarko 5:7

A leehukka ŋ ɗafka ne : « Yeesu Kuɓkiŋ Kooh yi ŋ ɗafka ɗafka, fu nar ye nga so ? Mi yii kiim ɗa po ŋ fiki Kooh, kinaa so deg miskiɗ. »

Yegɗohiŋ Muci Luk fiis 1:35

Malaakaana loffa ɗe ne : « Fuuɗsi Hoolohngaani, Fuuɗsiŋ Kooh hey haye nga ɗa, hatiliŋ Kooh yi ŋ ɗafka ɗafka hey ɗa saangne. Ineem weɗi tah po kuɓki hoolɗi fu na hee raake hey ɓeeɗkohse Kuɓkiŋ Kooh.

Yegɗohiŋ Muci Luk fiis 4:41

Ɓi jiini puloheeɗa ŋ kosaayiɗ laayiɗ, ca leehkeeɗa ne : « Fu Kuɓkiŋ Kooh ! » Ca inheen ne a yi Mucɗohi Gapohse, tahha po a ngasukka ca, a faɗɗi ca ne ca woo.

Yegɗohiŋ Muci Luk fiis 22:70

Ɓa jen ɓa woosa ɗe ne : « Kon fu Kuɓkiŋ Kooh e ? » A woosa ɓa ne : « Ɗu woyiɗa. »

Saaŋ 1:34

Yahya degga nga ne : « Ineem ŋ degiɗa has te ŋ seede'iɗ ne a yi Kuɓkiŋ Kooh. »

Saaŋ 1:49

Natanayel woyissa ɗe ne : « Jangɗohohi, a fu Kuɓkiŋ Kooh, a fu buuriŋ Israayel ! »

Saaŋ 9:35

Wa Yeesu kerah ne ƴaara pulɗuuɗ, a kaɗta ɗe marka, a woosa ɗe ne : « Fu kosiɗ Kuɓkiŋ ɓoyi e ? »

Saaŋ 20:31

Firndeeci fiisu cii fiisu ne ɗu kos ne Yeesu a yi Mucɗohi Gapohse, Kuɓkiŋ Kooh, te koseem on ɗu kipes ŋ tiikiŋ ɗe.

2 Korenta 1:19

Laam Kuɓkiŋ Kooh, Yeesu Kiristaa yi ɓoo woyee ɗu, mi na Silweng na Timoote, a "ee" na "a'aa" haa ; a moos nik "ee" dong.

Ɓi Galaat 2:20

A mi na pese kotii haa, a Kiristaani na pese nga so. Kipes kiŋ ɓoyi ŋ nikoh, mi na pesee wa na kos Kuɓkiŋ Kooh, yi waaɗ to, po a eɗohha haf ce wuu so.

Heber ci 4:14

Ŋ woyeen ne ɓoo raak Seeƴkiɗoh yakak. A Seeƴkiɗoh yakoh na yakoh yi taamb ŋ Eel ci po reesa ŋ ɗiskaŋ Kooh, a Yeesu Kuɓkiŋ Kooh. Kon ɓoo nengaat baahiɗ ŋ waasi ɓoo na woye ne weɗ ɓoo kos.

Heber ci 7:3

Melkisedek nak ɓoo inhiɗɗi ɗe baab, ɓoo inhiɗɗi ɗe yaay wala caac. Te wa raakɗi ɗiski rimuukiŋ ɗe wala kakaan kiŋ ɗe fiisu. A mand na Yeesu Kuɓkiŋ Kooh, a seeƴkiɗoh po faw.

1 Saaŋ 3:8

Ɓo' nu gen ŋ bakaaɗ ɗah, a ɓaah ŋ Seytaani, laam Seytaani bakaaɗ ŋ camba poyi. Ini tah Kuɓkiŋ Kooh hay weɗ ne a yahroh in ci Seytaani haɓiɗ.