Filemoon 1:7 - Yegɗohiŋ Muci

⁷ Laam, ŋ sumiɗ lool ƴaariŋ ngo te heliŋ ngo daliɗ ŋ findi fu na teeɓohe waaɗi fu waaɗ ɓooɓi, fu soosɗiɗ keeñ ciŋ ɓo'-Kooh ci.

Filemoon 1:7 Iomraidhean Croise

1 Korenta 16:18

Ee, ɓa dalɗiɗ hel ciŋ ɓoo, mi na ɗu. Ɓooɓi mand ɗaa, ambaat ɓa yaah kanak.

2 Korenta 7:13

Ineem weɗ tah po hel ciŋ ɓoo daliɗ, te wa ineem dong haa sah, keeñ ciŋ ɓoo namiɗ soos keeh-keeh ŋ sumi Tit sum ŋ findi ɗu jen dalɗoh heliŋ ɗe.

2 Korenta 7:4

Ɗu oniɗ to ne ŋ woo ɗu ini nik nga so keeh-keeh, te ŋ neɓuuɗ nga ɗu lool. Na miskiɗ ci ɓoo na pese jen, keeñiŋ ngo soosɗuuɗ, ŋ riifiɗ na sum.

1 Tessalonik 1:3

Ŋ ineem, ɓoo na gene naandsuk ŋ fiki Kooh Baabi tumohaaɗ ciŋ ɗu sagu kosi ɗu kos Heɗ ɓoo Yeesu Kiristaa, na pangkiŋ ɗu miskiɗi sagu waaɗi ɗu waaɗ ɗe na mini ɗu min muñ sagu oolki ɗu ooluk in ci a gapoh.

1 Tessalonik 2:13

Ɓoo gen ŋ corkiɗ Kooh sagu inii : Wa ɗu rahas woo kiŋ Kooh ɓoo woo ɗu, ɗu teyɗukɗi wa findi woo ɓo', waaye ɗu teyɗuka findi woo kiŋ Kooh, te weɗ wa nik keeh-keeh. Ŋ ineem, weɗi ɓay ɓoƴsoh nga ɗu, ɗu ɓi kosiɗ ci.

1 Tessalonik 2:19

Mbehi Heɗ ɓoo Yeesu hayissan, ya ɓa nikan yaakaariŋ ɓoo, wala sumiŋ ɓoo, wala raayaaniŋ ɓoo po ɓoo min neɓu ŋ fikiice ? Ali wa mand na, ɗu ɓaah nga !

1 Tessalonik 3:9

Ɓoo joyiɗ corkiɗ Kooh laayoh na laayoh ŋ ini kaɗ nga ɗu, ŋ sumi ɓoo sum lool saguuɗu ŋ fikiice.

2 Timoote 1:16

Onesifoor nak, Heɗi yirmaat ɓi kahan ce, a meeɗ to meeɗ ɓaatɗoh, te a supkeeɗi ceen ciŋ ngo.

Filemoon 1:20

Ee, ɓaah ho, raakiɗ to njiriñ sagu Heɗi ɓoo ɓaah, dalɗa heliŋ ngo ŋ Kiristaani.

2 Saaŋ 1:4

Ŋ sumiɗ lool ŋ hotiɗ ɓum ngaŋ kuɓuuciŋ ɗa ɓii pes ŋ keeh ki findi nakohi ɓoo jen rahas ŋ Baabi.