Filemoon 1:6 - Yegɗohiŋ Muci

⁶ Mi na kiime Kooh ne kosi ɓoo ɓaah rim in nga ɗa, fu uup inah in ci baahiɗ ci jen, ci ɓoo min tum wuu Kiristaani.

Filemoon 1:6 Iomraidhean Croise

Macce 25:16

Yi eɗu saaku yatuus arra kaɗ, a toontukka na ca po ca rimmba saaku yatuus wiiriis.

Macce 5:16

Siñaariŋ ɗu joy ñiinoh ɗaa ŋ fiki ɓooɓi, ne ɓa hot tumohaaɗ ciŋ ɗu baahiɗ ci, ɓa yakiɗ Kooh Baabiŋ ɗu yi nik ŋ Eel ci.

1 Korenta 14:25

In ci ɗasɗuk ŋ ɗooƴ keeñiŋ ɗe jaar ca ñiin, a ƴek, a yip puki ŋ kehƴi. A ñaamuk Kooh te a teyɗuk ne wa keeh ne Kooh yii ŋ harmban ɗu !

1 Korenta 16:9

Kooh rangsiɗiɗ to bunta angiɗ ne ŋ min panguk baahiɗ, ali nik ne sah ɓi langɗi na so laayiɗ nga.

Ɓi Filippi 4:8

Ɓaah ciŋ ngo, ini tas weɗ ne : In nu nik keeh, na in nu nik eɗaah cir, in nu yurah, in nu hool, in nu nik waaɗaah, in nu nik baahiɗ ŋ hot-hotkiŋ ɓooɓi, in nu nik nawaah, na in nu nik ƴeekaah ɗah, ceɗ nikaat ŋ liiɓ ciŋ ɗu.

Ɓi Kolos 1:9

Ineem weɗ tah, ina ɓoo kerhoh in ceem nga ɗu poyi, ɓoo gen ɗu kiimiɗ Kooh. Ɓoo na kiimee ɗe ne a on ɗu liiɓohaaɗ moɗiɗ keeh-keeh na inhisoh, taamboh ŋ Fuuɗsi Hoolohngaani, ne ɗu riif na inah ini a waaɗ.

Ɓi Kolos 3:10

Ɗu ɓekkiɗ kiɓo' as, wi na doknasse as ŋ mandohaaɗiŋ Yi fera ne ɗu rahas ki'inah keeh-keeh.

Fiisi Pool kaɓɗoh Tit 3:14

Ɓooɓiŋ ɓoo joyiɗ nam jang tum baahiɗ ne ɓa ɓaatɗoh ɓo' ŋ etoh ci keeh-keeh ci, ŋ ineem kipes ciŋ ɓa min raakiɗ ɓo' njiriñ.

Heber ci 6:10

Kooh yurhaaɗiiɗi po a kee alkoha pangkiŋ ɗu na waaɗohi ɗu teeɓoh ŋ tiikiŋ ɗe. Ɗu teeɓohiɗa ŋ taambkohi ɗu taambkohee ɓooɓiŋ ɗe te ɗu ris ɓa wa tumiɗ.

Saak 2:14

Ɓaah ciŋ ngo, wa raak winde njiriñ ɓo' woyee ne a kosiɗ te kosiŋ ɗe hunɗi na tum ? Ɗu liiɓiɗ ne koseem miniɗ ɗe muciɗ e ?

Saak 2:17

Kosi hunɗi na tum mand ɗaa ; wa kaaniɗ sagu niki wa nik kiik wa.

1 Piyeer 2:12

Raakaat pesohaaɗ moɗiɗ ŋ harmban kosaaɗiici, ne ɓa yambee ɗu ne ɗu tumoh moɗaaɗi ɗah, ɓa hot tumohaaɗ ciŋ ɗu moɗiɗ ci te ɓa yakiɗ Kooh ŋ mbehi a hayohan na hatil.

1 Piyeer 3:1

Ɓitiɓ ci, namaat teyɗukiɗ ƴaar ciŋ ɗu. Wa raak ŋ ƴaar ceem ɓi sang kos woo kiŋ Kooh ɗah, mandohaaɗiŋ ɗu miniɗ tah po ɓa kos, te wa etohanɗi sah, ɗu woyee na ɓa nga.

1 Piyeer 3:16

Waaye lofaat ɓa na eɗef, wa hun na cir, hunaat na hel daliɗ po ɗu yambsee tumoh moɗaaɗi ɗah, ɓooɓi na yambee ɗu hot tumohaaɗ ciŋ ɗu baahiɗ ci ɗu raak ŋ Kiristaani, ɓa kaci.

2 Piyeer 1:8

Laam in ceem jen nik nga ɗu te ca gen ɓaatuk ɗah, inhi ɗu inah Heɗ ɓoo Yeesu Kiristaa hey tume po ɗu nikanɗi yoondɗukaaɗi wala raakaaɗi njiriñ.