Filemoon 1:17 - Yegɗohiŋ Muci

¹⁷ Kon nik ne fu ambiɗ to findi nawleefu ɗah, teyɗukaa ɗe po mand haa a ñam.

Filemoon 1:17 Iomraidhean Croise

2 Korenta 8:23

Ini kaɗ ŋ Tit, a mi na ɗe na pangke, e ɓoo ɓaah pangki wuu ɗu. Waaye ɓaah ciŋ ɓoo ɓinooɓi, e Janguuci tuuƴ ɓa, e yakiɗ Kiristaani tah ɓa kuruk.

Macce 10:40

Ɓo' nu teyɗuk ɗu ŋ kahan ce ɗah, a teyɗuk ko, te ɓo' nu teyɗuk ko ɗah, a teyɗuk Yi woos so.

Filemoon 1:12

Mi yii wik ɗa ɗe, a yi fu inah ne a usiɗ ŋ keeñiŋ ngo.

Saak 2:5

Ɓaah ciŋ ngo ŋ keeñkoh, sikɗukaat to. Ɗu inhiɗ baahiɗ ne a Kooh tan ñakiɗ ciŋ Adina ne ɓa nik raakiɗ ci ngaŋ kos, ɓa raak ɓak ŋ Nguuri a gap ɓi waaɗ ɗe.

Heber ci 3:1

Weɗ tah ɓaah ciŋ ngo, ɗu hoolɗuuɗ wuu Kooh te ɓoo ɓaah ŋ ɓeeɗkohiŋ Eel ci. Kon, markaat ŋ Yeesu, yi nik Woosuuɗi, a nikka Seeƴkiɗohi yakki ŋ waasi ɓoo na woye ne weɗ ɓoo kos.

Ɓi Efes 3:6

Ini ɗasɗukiɗeem weɗ ne, ŋ niki ɓa nik ŋ Kiristaani Yeesu, taamboh ŋ Yegɗohiŋ Muci, ɓi nikɗi Yawuut ɓaah lamaahi na Yawuut ci, ɓa ɓaah ŋ faaniŋ Kiristaani, maanaam Janguuni te ɓa namiɗ raak ɓak ŋ gapohi.

Tum ci 16:15

A ɓoktuusa a yi na ɓi kahan ce, ƴutta a kiimmba ɓoo ne : « Nik ne ɗu hotiɗ ne ŋ kosiɗ Heɗ ɓoo ɗah, hayaat ɗu dal ŋ kahan ndo. » A tummba po ɓoo teyɗukka.

Macce 25:40

Ŋ ineem, buuri hey ɓa lofe ne : “ Ñam na woyee ɗu wa te wa keeh, ali nik ne ɗu haɓɗiɗ in ceem yino ŋ taambɗoh ciŋ ngo uup heefu sah, ɗu haɓɗiɗ to wa. ”

Macce 18:5

Te yaa nu teyɗuk njaanj findi yii saguuso ɗah, a teyɗuk ko.

1 Saaŋ 1:3

Mbaa ini ɓoo hot, ɓoo kerahhaa, ɓoo ɓii nam ɗu wa yegiɗ, ne ɗu nik yino na ɓoo, ɓoo hun nik yino na Baabi na Kuɓkiŋ ɗe Yeesu Kiristaa.

1 Piyeer 5:1

Kon, mi yii ñaah yakak ci adgoh ɗu, mi yi yakak findiiɓa, ŋ seede ngaŋ miskiɗ ciŋ Kiristaani te ŋ raakiɗ ɓak ŋ yaki a yak, wi teeɓohsan.

Heber ci 3:14

Laam, ɓoo ɓaahiɗ na Mucɗohi Gapohse pangki, nik ne ɓoo risiɗ amb ndengiɗ po ŋ reehtinohaana, oolki ɓoo oolkee ngaŋ camba ɗah.

Filemoon 1:10

Mi na kiimee ɗa wuu Onesim, yi ŋ amb findi kuɓkiŋ ngo yi ŋ raakoh ŋ kasooni.

1 Timoote 6:2

Ɓi raak heɗ kosiɗ, eɗaat ɓa cir, ɓa sang ɓa heef ŋ ini ɓa nik ɓaah ciŋ ɓa kotii. Ɓa joy ɓa uup ñaamuk ŋ ini ɓa nik kosiɗ na waaɗuuɗ ciŋ Kooh ne heɗ ciŋ ɓa rahas njirñiŋ pangkiŋ ɓa. In ceem jen ceɗ fu joy jangɗoh te fu nakoh ca.

Ɓi Filippi 1:7

Wa waas ŋ liiɓiɗta ɗu ineem, ɗu jen, sagu keeñkohi ŋ keeñkoh ɗu, na raaki ɗu raak jen ɓak ŋ baahohi Kooh baahoh ho ; wa nikoh ɗaa ŋ niki ŋ nik ŋ kaso, wa nikohha ɗaa ŋ teeɓohi mi na teeɓohe ne Yegɗohiŋ Muci, wa in baahiɗ te wa keeh.

Filemoon 1:18

Nik ne a tumiɗ ɗa in yurhaaɗi wala nik ne a raakɗohiɗ ɗa kombot ɗah, ŋ deggiɗ ca.