Camba 9:3 - Yegɗohiŋ Muci

³ Findi kidig ci, in ci na pese te ca yoonde, ŋ eɗiɗ ɗu ca jen, ca kañam nga ɗu kotii.

Camba 9:3 Iomraidhean Croise

Ɓi Rom 14:14

Niki ŋ nik ŋ Yeesu Heɗi tahiɗ po wa wooriɗ to ne, ali kañam nikɗi hoolaaɗi ŋ haf wa ; waaye ɓo' amb ne inii usɓiɗ ɗah, wa usɓiɗ nga ɗe.

1 Korenta 10:31

Mbaa ɗu ñame, wala ɗu ane, wala in nu ɗu min haɓiɗ ɗah, tumaata ne ɗu yakiɗ Kooh.

Ɓi Kolos 2:16

Mbaa, ali ɓo' kinaat ɗu atte sagu in ci ɗu na ñame wala ane, wala ini kaɗ ŋ feet ci, wala ŋ in ci na haɓɗasse ne caɓni pul ɗah wala mbehi na iɗsiɗkohse.

1 Korenta 10:23

Raakiɗ ɓi na woye ne e ɓoo raak haf ɓoo, ɓoo miniɗ tum in nu ɓoo waaɗ tum ɗah. Ɓo' miniɗa woo, waaye e in ci jen raakiɗ ɓo' etoh haa. Te ali nik ne ɓo' miniɗ tum ini a waaɗ sah, wa nikɗi haa ne in nu nik weɗ na kaɗɗe ɓooɓi fiki.

Ɓi Rom 14:3

Yi na ñame kañam ci jen kinaat heef yi na ñameeɗi, te yi na ñameeɗi kinaat atte yi na ñame, laam Kooh teyɗukiɗ ɗe.

Ɓi Rom 14:20

Kañam kinaat tah po ɗu yah pangki Kooh panguk. Wa keeh ne kañam ci jen hooliɗ ; waaye kañam ki fu na ñame tum po ɓo' keen ŋ bakaaɗ ɗah, wa baahɗi.

Ɓi Rom 14:17

Nguuriŋ-Kooh, wa ñam na an haa, wa kiyurah na jam na sum, taamboh ŋ Fuuɗsi Hoolohngaani.

Camba 9:2

Ɗiski wa nik ndii ɗoopaat ciŋ kehƴi na sel ci na in ci ƴin ƴin ci ŋ kehƴi na cuurund ci, ca hey ɗu neƴƴohe laam, ŋ hey ca dege ŋ yaah ciŋ ɗu.