Camba 8:1 - Yegɗohiŋ Muci

¹ Ina masma na raake neeh teemet na neeh ndaŋkiyaah-yatuus (150) ŋ kehƴi jen, Kooh ɗaakkoheen Noohin nof, a yi na ɗoopaat ca nikee na ɗe ŋ gaala. Weɗ a puuɗsoh ŋ kehƴi, masma haawsukeeɗa.

Camba 8:1 Iomraidhean Croise

Camba 30:22

Ŋ ini kaɗ ŋ Rasel, wa Kooh tufuk ŋ in ciŋ ɗe, a teyɗukiɗta ɗe, a onnda ɗe, a minnda raak kuɓu.

Camba 19:29

Wa Kooh na ɗumbe Sodom a ɗaakkoheen Ibrahiima nof po tahha a muciɗta Loot ŋ naamoona a sooƴɗoh kur ca Loot genohe.

Pula 2:24

Kooh kerahha ca, a naandsukka ambtiɗohiŋ ɗe na Ibrahiima na Isaahha na Yaŋhooɓa.

Pula 14:21

Wa Musaa raɗis ndooɗaŋ ɗe ŋ ɗafuk cookma, Nikiɗi neehha puuɗis ŋ pulohaaɗ-noh, puuɗis raakiɗ hatil. A paysohha cookma kanak, merhey mi suyɗi nikka ŋ harmbana.

Teeɓ ki 18:5

Laam bakaaɗ ciŋ wa degsukohiɗ po ŋ Eel ci te Kooh alɗi tumohaaɗ ciŋ wa sepƴiɗ ci.

Teeɓ ki 16:19

Kur-taaha yakka pookka haaƴ kaahay, kur-taah ciŋ cuuɓ ci jen keennda. Weɗ Kooh yurhiɗkoh ŋ ini kaɗ ŋ Babilon kur-taahi yakki, a aniɗtaa biiñiŋ kaasiŋ ɗe, biiñiŋ ayrukiŋ ɗe dohɗi.

Yunus 4:11

Fu waaɗta ne mi, ŋ heeɗi miskasse ŋ ini hee rahse Niniw, kur ki yakki fu inah ne ɓo' junni-teemet na junni-ndaŋkiyaah-kanak (120.000) ɓii nga ɓi inhisohɗi yaah-ñaahum na yaah-sing, ɓaatta nga ɗoopaat ci minɗi reeh ! »

Pula 15:10

Nikiɗi fu fuuɗissa rek ee, Cookma ulla ɓa. Ɓa ɗiigga nga haa ne beteeh Ŋ ɗooƴ-ɗooƴ cookma.

Camba 9:10

na in ci na pese na ɗu jen, findi sel ci na ɗoopaat ciŋ kahan ci na ciŋ bilaf fi, ceɗ ci pul na ɗu ŋ gaali na in ci na hee pese ŋ kehƴi jen.