Camba 7:23 - Yegɗohiŋ Muci

²³ In ca iikee ŋ kehƴi jen ceɗ Nikiɗi ambsoh, a ɗumbiɗta ca ; ɓo', ɗoopaat, in ca ƴin ƴin ca na sel ca. A faɗee Noohin dong na ɓa nikee na ɗe ŋ ɗooƴ gaala.

Camba 7:23 Iomraidhean Croise

2 Piyeer 2:5

A faɗɗi sah adinaana ɗeɓgaan, waaye ŋ jamanoona a ruhsiɗoh masma laayɗa ŋ adinaani riifee na sangiɗ ciŋ ɗe, a mucɗiɗ Noohin na ɓo' yasna-kanak wiiriis, Noohin yi woyee ɓooɓa ne ɓa yurhaat.

1 Piyeer 3:20

Maanaam, ɓi sangee kerhiɗ Kooh ɗeɓgaan, wa a muñɗee ɓa ŋ jamanoona Noohin haɓɗohee gaala. Ɓooɓa aasee ŋ gaala laayeeɗi, ɓa nikee yasna-kaahay dong, ɓeɗ mucɗassee ŋ masma.

Heber ci 11:7

A kos tah po, wa Noohin inhiɗu in ci hee raake te ɓo' hotɗi ca paaɗ, a kerhiɗta Kooh, a haɓiɗta gaal yakak ne a muciɗ ɓi kahan ce. A kosa a kosee tah po a ɓurra ɓi Adina, a rahassa kiyurhi kos na eɗohe.

2 Piyeer 3:6

Te masmeem weɗ riifɗee adinaana ɗeɓgaan, wa ɗummbaa.

Macce 25:46

Te ɓii na kaɗe ŋ mbugala heyɗi reehe, waaye yurhiɗ ci na kaɗe ŋ kipes ki heyɗi reehe. »

2 Piyeer 2:9

Mbaa Heɗi inhiɗ findi a mucɗohan ɓi ŋoɗ nga ɗe po ɓa pul ŋ miskiɗ ci, te a ambiɗ yurhaaɗiici, ɓa na sekɗohse mbehaŋ atteena ne ɓa mbugalu.

Camba 6:17

Ini kaɗ nga so, ŋ hey bembe kehƴi na masuɓ ne ŋ ap in nu na iike nga ɗah ; in nu nik ngaŋ kehƴi ɗah, a hey kaane.

Camba 8:18

Noohin pulla gaala, na ɓitiice, na kuɓuuciŋ ɗe ƴaar ci, na ɓitiɓ caŋ ɓa.