Camba 7:21 - Yegɗohiŋ Muci

²¹ In nu nik ne a iikeen ŋ kehƴi suyɗi ɗah, a kaaniɗ nga ; sel ca, ɗoopaat caŋ kahan ca na caŋ bilaf fa na in ca ƴin ƴin ca iikee ŋ kehƴi jen, kaaniɗ na ɓooɓa.

Camba 7:21 Iomraidhean Croise

Camba 6:13

Ineem tahha po Kooh woosa Noohin ne : « Ŋ ambiɗ ne ŋ hey ɗumbe ɓooɓi jen sagu riifɗi ɓa riifiɗ Adina na tumohaaɗ moɗaaɗi. Ŋ hey ɓa ɗumbe na kehƴi.

Camba 7:4

Laam, ndii na neeh yasna-kanak, ŋ hey toɓe toɓ yakak, ini ree neeh ndaŋkiyaah-nikiis (40). Ŋ ɗumb in ci ŋ fer na iike ŋ kehƴi jen. »

Camba 6:17

Ini kaɗ nga so, ŋ hey bembe kehƴi na masuɓ ne ŋ ap in nu na iike nga ɗah ; in nu nik ngaŋ kehƴi ɗah, a hey kaane.

Ɓi Rom 8:20

Laam ini Kooh fer jen, ɗiski wa nik, wa na tiinde ŋ ɓarang ɓarang. Wa tiiɗaa, e Kooh yi dega ineem, a yi tah. In ci jen ca ɗii yahrukoh. Waaye yaakaar raakiɗ poyi. Laam ca hey name pulɗu sah ŋ kiñaam kiŋ yahrukoheem ne ca raak haf ca, ca min ɓaah ŋ yaki kuɓuuciŋ Kooh yakan.

2 Piyeer 2:5

A faɗɗi sah adinaana ɗeɓgaan, waaye ŋ jamanoona a ruhsiɗoh masma laayɗa ŋ adinaani riifee na sangiɗ ciŋ ɗe, a mucɗiɗ Noohin na ɓo' yasna-kanak wiiriis, Noohin yi woyee ɓooɓa ne ɓa yurhaat.

Ɓi Rom 8:22

Ɓoo inhiɗ ne po woti, in ci Kooh fer, findi ca hend jen, ceɗi iineeɗa sagu miskiɗ findi ɓitɓi na ɓasle.

Yegɗohiŋ Muci Luk fiis 17:27

Ɓooɓa nikee ñameeɗa, aneeɗa, ɓa kilookeeɗa, ɓa kilookseeɗa po mbeha Noohin aasoh ŋ gaala, masuɓ laayiɗ riiffa kehƴi, wa ɗummba ɓa jen.

Macce 24:39

Ɓa inheeɗi in nga po wa masma hay, wa ɗummba ɓa jen. Kuɓkiŋ ɓoyi hay ɗah, wa mandan ɗaa.

Camba 1:25

A ferra ɗoopaat ci raakanɗi heɗ findi mandohaaɗ ciŋ ca, a ferra ci raakan heɗ findi mandohaaɗ ciŋ ca, a ferra inaamaaci ƴin ci ŋ kehƴi jen findi mandohaaɗ ciŋ ca. A hotta ne wa baahiɗ.