Camba 7:1 - Yegɗohiŋ Muci

¹ Wa ineem raak, Nikiɗi woosa Noohin ne : « Aasa ŋ ɗooƴ gaali, fu na ɓi kahan fu laam, ŋ hot ɗa dong yurhiɗ ngaŋ ɓooɓiŋ jamanooniŋ ɗa.

Camba 7:1 Iomraidhean Croise

Camba 6:9

Inii weɗ naandsuku ŋ Noohin. Noohin a nikee ɓo' yurhiɗ ngaŋ ɓooɓaŋ jamanoonaŋ ɗe, te a hunee na Kooh.

Heber ci 11:7

A kos tah po, wa Noohin inhiɗu in ci hee raake te ɓo' hotɗi ca paaɗ, a kerhiɗta Kooh, a haɓiɗta gaal yakak ne a muciɗ ɓi kahan ce. A kosa a kosee tah po a ɓurra ɓi Adina, a rahassa kiyurhi kos na eɗohe.

Camba 7:13

Mbaɗi, raak Noohin ŋ ɗooƴ gaala, na kuɓuuciŋ ɗe ƴaar ci Sem, Haam na Yaafet, na ɓitiice na ɓitiɓ ciŋ kuɓuuciŋ ɗe.

1 Piyeer 3:20

Maanaam, ɓi sangee kerhiɗ Kooh ɗeɓgaan, wa a muñɗee ɓa ŋ jamanoona Noohin haɓɗohee gaala. Ɓooɓa aasee ŋ gaala laayeeɗi, ɓa nikee yasna-kaahay dong, ɓeɗ mucɗassee ŋ masma.

Tum ci 2:39

Laam gapohiŋ Kooh wa wuu ɗu na ɓi rimkohan nga ɗu ; wa wuu ɓi us ndii, wa wuu ɓi Kooh Heɗ ɓoo na hee ɓeeɗke nga ɗe, ŋ findi ɓa hend jen. »

Yegɗohiŋ Muci Luk fiis 17:26

Bala Kuɓkiŋ ɓoyi hayissan ɗah, wa mandan findi wa mandee ŋ jamanoonaŋ Noohin.

Camba 7:7

A aaseen ŋ ɗooƴ gaala, a yi na ɓitiice na kuɓuuciŋ ɗe kaahay ci na ɓitiɓ ciŋ ɓa, ne ɓa muc ŋ masma.

Yegɗohiŋ Muci Luk fiis 1:6

Ɓa kanak jen ɓa nikee ɓo' yurhiɗ ŋ fiki Kooh ; ɓa meeɗta taambiɗ in ci Heɗ ɓoo nakoh jen na waasiŋ ɗe te ali ɓo' raakeeɗi woyaah ɓa.

Camba 6:18

Waaye ŋ hey ambtiɗohe na ɗa. Fu hey aase ŋ ɗooƴ gaali na ɓitiifu na kuɓuuciŋ ɗa kaahay ci na ɓitiɓ ciŋ ɓa.