Camba 6:9 - Yegɗohiŋ Muci

⁹ Inii weɗ naandsuku ŋ Noohin. Noohin a nikee ɓo' yurhiɗ ngaŋ ɓooɓaŋ jamanoonaŋ ɗe, te a hunee na Kooh.

Camba 6:9 Iomraidhean Croise

Yegɗohiŋ Muci Luk fiis 1:6

Ɓa kanak jen ɓa nikee ɓo' yurhiɗ ŋ fiki Kooh ; ɓa meeɗta taambiɗ in ci Heɗ ɓoo nakoh jen na waasiŋ ɗe te ali ɓo' raakeeɗi woyaah ɓa.

Heber ci 11:7

A kos tah po, wa Noohin inhiɗu in ci hee raake te ɓo' hotɗi ca paaɗ, a kerhiɗta Kooh, a haɓiɗta gaal yakak ne a muciɗ ɓi kahan ce. A kosa a kosee tah po a ɓurra ɓi Adina, a rahassa kiyurhi kos na eɗohe.

2 Piyeer 2:5

A faɗɗi sah adinaana ɗeɓgaan, waaye ŋ jamanoona a ruhsiɗoh masma laayɗa ŋ adinaani riifee na sangiɗ ciŋ ɗe, a mucɗiɗ Noohin na ɓo' yasna-kanak wiiriis, Noohin yi woyee ɓooɓa ne ɓa yurhaat.

Camba 7:1

Wa ineem raak, Nikiɗi woosa Noohin ne : « Aasa ŋ ɗooƴ gaali, fu na ɓi kahan fu laam, ŋ hot ɗa dong yurhiɗ ngaŋ ɓooɓiŋ jamanooniŋ ɗa.

Camba 5:24

Henok hunee na Kooh po a hotissuuɗi laam Kooh rapiɗ ɗe rapiɗ ŋ serooce.

Ɓi Galaat 3:11

Wa raakɗi laam-laam, ali ɓo' raakɗi kiyurah ŋ fiki Kooh taamboh ŋ tum nakoh ciŋ waasi, laam Fiis ci woo ne : « Yaa nu yurah ɗah, pesohan kosi a kos. »

Camba 17:1

Wa Ibram raak kiis ndaŋkiyaah-yasna-nikiis na yasna-nikiis (99), wa raakka mbeh, Nikiɗi teeɓukka ɗe, a woosa ɗe ne : « E mi Koohi Min, pesa findi ŋ waaɗoh, fu nik yurhiɗ.

Camba 5:22

Henok hunee na Kooh. Ŋ finho raakuukaŋ Matusalem, a pessa ŋ ineem kiis teemet-kaahay (300). A raakisseen ɓi kuɓu ƴaar na ɓitiɓ.

Camba 2:4

Naandsukiŋ feriŋ eel ci na kehƴi weɗi weem. Wa Nikiɗi Kooh feree kehƴi na eel ci,

1 Piyeer 2:5

Ɗu ŋ haf ɗu, findi atoh ci na pese, nikaat atoh taɓahoha kahan Kooh. Ɗu nik cuuɓ seeƴkiɗoh hooliɗ wuu ce, ne ɗu seeƴkee ɗe na in ci baahiɗ ci Fuuɗsi Hoolohngaani na tumɗukohee ɗu. Ca nik seeƴuk ci neɓ ɗe taamboh ŋ Yeesu Kiristaa.

Tum ci 10:22

Ɓa loffa ɗe ne : « A Koorney, ƴaar ŋ ɓi adgoh soldaar ciŋ Rom, a yi woos ɓoo. A ƴaar yurhiɗ, a nupiɗ Kooh te Yawuut ci jen seede'iɗ ɗe seede baahiɗ. A malaaka Kooh nak ɗe ne a ɓeeɗkaat ɗa ŋ kahan ce, a sikɗuk ini fu raak woyaah ɗe. »

Ɓi Rom 1:17

Wa na teeɓohe wa ye weɗ kiyurhi puloh ŋ Kooh, te wa jen, wa camboh ŋ kos, wa mirndohha ŋ kos, findi wa fiisohu an : « Yaa nu yurah ɗah, pesohan kosi a kos. »

Yegɗohiŋ Muci Luk fiis 23:50

Wa raakeen ƴaar teeku Suseef, a genee Arimate ŋ Yudee. A ɓaahee ŋ atte'oh ca yakak ca waaye a huneeɗi ŋ ina ɓa kooɗkee po ɓa mirndohhaa tum. A nikee ɓo' baahiɗ, yurhiɗ, a ɓaah ŋ ɓi sekee hayiŋ Nguuriŋ-Kooh.

Yegɗohiŋ Muci Luk fiis 2:25

Ŋ Yerusalem, raakiɗ ƴaara teeksee Simeyong nga, a nikee ƴaar yurhiɗ te a kerhiɗta Kooh, a nikee sekeeɗa mbehi Israayel hirpohsan. Fuuɗsi Hoolohngaani, Fuuɗsiŋ Kooh nikee na Simeyong.

Camba 48:15

A barke'iɗta Yuusufa an : « Mi yii kiim Kooh yi Ibrahiima na Isaahha ñaakɗe ŋ kipes kiŋ ɓa jen, Kooh yi na niiɗee so ina ŋ nikoh po wii,

Camba 10:1

Inii weɗ naandsuku ŋ kuɓuuciŋ Noohin : Sem, Haam na Yaafet na ɓi rimkoh nga ɓa. Ŋ finho masma ɗumbee kehƴi, ɓa raakeen ɓi kuɓu ƴaar.

Camba 5:1

Inii weɗ naandsuku ŋ Aadama na ɓi rimkoh nga ɗe. Wa Kooh na fere ɓo', a fer ɓa ŋ mandohaaɗiŋ ɗe haf ce.

Camba 6:10

Noohin raakeen kuɓu ƴaar kaahay, Sem, Haam, na Yaafet.