Camba 48:12 - Yegɗohiŋ Muci

¹² Yuusufa kurkiɗohha ɓa ŋ kot ciŋ baab ɓa, a ƴekka po pukiŋ ɗe reesa kehƴi.

Camba 48:12 Iomraidhean Croise

Camba 42:6

Waam raak a Yuusufa a yi adgohee kur ka na toonaŋ beleena. Taambɗoh ciŋ ɗe reesa nga ɗe, ɓa ƴekiɗta ɗe po puk ciŋ ɓa reesa kehƴi.

Ɓi Efes 6:1

Ɗu ɓi komaakci, kerhiɗaat yaay ciŋ ɗu na baab ciŋ ɗu findi Heɗi waaɗoha, ineem weɗ waas.

Pula 34:8

Jaarra Musaa ƴekiɗta Nikiɗi po a raɗukka ŋ kehƴi.

Pula 20:12

Eɗa yaay ɗu na baab ɗu cir ne fu min raak kipes hutiɗ ŋ kehƴa ŋ eɗan ɗa, mi yi Nikiɗi Koohiŋ ɗa.

Camba 33:3

Ƴutta, a hannda adug ŋ fikiira a kaɗeeɗa, a ƴekɗeeɗa taambɗoh ce Esaaw poo a raakka waas yasna-kanak bala a reyan nga ɗe ɗah.

Camba 23:7

Wa Ibrahiima kerah woo keem, a kurukka, a hiirra ŋ fiki Hit ca genee ŋ kur ka.

Camba 19:1

Waaye malaakaaca kanak ca kaɗee Sodom, ɓa ree nga na niina. Ɓa raak Loot ɓoofiɗ ŋ teembohaara, ŋ aasohaanaŋ miira wil kur ka. Wa a hot ɓa, a kaɗta coha na ɓa, a ƴekiɗta ɓa po pukiŋ ɗe reesa kehƴi.

Camba 18:2

A jaɗtuk jaɗtuk, a hotta ɓo' kaahay ŋ fikiice, Ibrahiima kurukka ŋ ɗiska a ɓoofe, a arra kaɗ coha na ɓa. Wa a ree, a ƴekiɗta ɓa,

Camba 48:11

A woosa Yuusufa ne : « Ŋ liiɓeeɗi ne ŋ hey ɗa hotisse, waaye fu hot nga, Kooh teeɓiɗ to sah kuɓuuciŋ ɗa. »

Camba 48:13

Ƴutta, a ammba Efrayim ŋ yaahiŋ ɗe ñaahmi, yeem lahha baab ɓa Israayel yaah-sing, a ammba Manasse ŋ yaahiŋ ɗe singi, yeem nammba lah Israayel ŋ ñaahmiŋ ɗe ; a reɓiɗta ɓa ŋ baab-caaciŋ ɓa.