Camba 4:8 - Yegɗohiŋ Muci

⁸ Waaye, Kayin woosa taambɗoh ce ne ɓa kaɗ yohon ca. Wa ɓa nik ŋ yohon ca, Kayin soonnga Abel, a appa ɗe.

Camba 4:8 Iomraidhean Croise

Yuud 1:11

Mas ɓooɓeem ! Ɓa taambiɗ waasiŋ Kayin. Te sagu waaɗ kopor, ɓa tumiɗ po ɓa muuƴiɗ haf ɓa findi Balaam ; ɓa kaaniɗ laam ɓa na ndengsiɗkohe na Kooh findi Kore.

Macce 23:35

wa hey tahe po ñif miŋ yurhiɗ ci aamu ŋ kehƴi jen keen ŋ ɗafuk ɗu, ina kooɗoh ŋ ñif maŋ Abel yurhiɗi po ŋ Sakariya kuɓkiŋ Barasi yi ɗu ap ŋ Kahan Kooh, ŋ harmban Ɗiska Hooliɗa na seeƴkohaana.

Yegɗohiŋ Muci Luk fiis 11:51

Ŋ Abel po ŋ Sakariya, yi ɓa apoh Kahan Kooh, ŋ harmban seeƴkohaana na taɓaha. Ñam na woyee ɗu wa, in ceem jen Kooh na hee ca wirnduke ngaŋ ɓooɓi woti.

Heber ci 12:24

Ɗu reɓ ŋ Yeesu yi nik ŋ harmban ɓoo na Kooh ŋ Ambtiɗohi Asi ; ɗu reɓ ŋ ñif miŋ ɗe lisu te ini ñif meem woo, wa uuppa baah ini ñif miŋ Abel woye.

Yegɗohiŋ Muci Luk fiis 22:48

Waaye Yeesu woosa ɗe ne : « Yudaa, fu na eɗohe Kuɓkiŋ ɓoyi sangiɗ ciŋ ɗe na foon e ? »

Heber ci 11:4

A kos tah po, Abel seeƴukka wuu Kooh seeƴki uup baah wiŋ Kayin. A weɗ tah po Fiis ci Hooliɗ ci seede'iɗ ne a ɓo' yurhiɗ, Kooh seede'iɗ ɗe ŋ teyɗuka a teyɗuk seeƴkaŋ ɗe. A kos tah po, ŋ ini a nik ɓo' kaaniɗ jen, a ris woo poyi.

Camba 4:25

Aadama hunisseen na ɓitiice, a ambissa rook, a raakka kuɓu ƴaar, Aawa teekka ɗe Set, laam a woyee ne : « Kooh oniɗ to kuɓu wiiriis, yi na hee namsiɗe Abel, yi Kayin ap. »