Camba 3:22 - Yegɗohiŋ Muci

²² A woosa ne : « Ŋ ɗiski wa nik ndii, ɓo' inhisohiɗ baahiɗ na baahaaɗi findi ɓoo ; a joyɗi ɓeen kotii ŋ rim ciŋ kidgi na onohe kipes, a joyɗi ca ñam po kipes kiŋ ɗe kee nika po faw. »

Camba 3:22 Iomraidhean Croise

Teeɓ ki 2:7

Yi raak nof kerhaat ini Fuuɗsi Hoolohngaani, Fuuɗsiŋ Kooh woo ŋ Janguuci ! Yaa nu saah ɗah, ŋ hey ɗe ñamɗe ŋ rimiŋ kidgiŋ kipes ki nik ŋ ɗooƴ nguukaŋ Kooh. ”

Teeɓ ki 22:14

Ɓa neɓɗiɗ, ɓooɓi naaw kulɓaaciŋ ɓa, ɓa hey mine ñam ŋ rimiŋ kidgiŋ kipes ki, te ɓa hey taambe ŋ yahndeer ci, ɓa aas kur-taahi.

Teeɓ ki 22:2

Wa kaɗɗeeɗa ŋ leerniŋ mbeeddaaniŋ kur ki. Kidgiŋ kipes ki paarra ŋ harmban salɗoh ciŋ wa. Wa rimee waas ndaŋkiyaah na kanak (12) ŋ kiis ki, caɓin nu caɓin wa rim, saaf ciŋ wa paƴoha cuuɓ ci.

Camba 2:9

A paariɗta kidig nu nik ŋ merhey ma, ca moɗta ŋ has, ca neɓpa ñamu, te ngaŋ leernaŋ nguuka, a paariɗta kidgaŋ kipes ki na kidgaŋ inhisoh baahiɗ na baahaaɗi.

Camba 1:26

Ngaŋ woo keem, a woyissa ne : « Ɓoo haɓɗaat ɓo' ŋ ñaamaariŋ ɓoo, findi mandohaaɗiŋ ɓoo, ne ɓa adgoh cuurund ciŋ cookmi, na sel ciŋ eel ci, na ɗoopaat ci, ne ɓa adgoh kehƴi jen, na in ci na yoonde ŋ kehƴi. »

Camba 3:5

Kooh inah inah ne, ɗu ñama ɗah, liiɓohaaciŋ ɗu hey rangsuke, ɗu hey inhisohe baahiɗ na baahaaɗi findiice. »

Camba 3:21

Nikiɗi Kooh haɓɗiɗta Aadama na ɓitiice kulɓa und, a ɓekiɗta ɓa ca.

Camba 3:23

Nikiɗi Kooh puliɗta ɗe ŋ nguuka ŋ Eden ne a guur merhey mi a mahohu.