Camba 3:1 - Yegɗohiŋ Muci

¹ Waam, e iiñ uupee ñaañ ŋ ɗoopaat ciŋ nduufi Nikiɗi Kooh fere ; iiña woosa ɓitɓa ne : « Andi wa keeh ne, e Kooh woo ne, ɗu joyɗi ñam ali rim kidig, ŋ kidig ci ŋ ɗooƴ nguuki ? »

Camba 3:1 Iomraidhean Croise

2 Korenta 11:3

Waaye, findi iiña ñaañohohee Aawa ŋ tumohaaɗ caŋ ɗe, ŋ neƴƴohiɗ ne liiɓ ciŋ ɗu nduuɗu po ɗu faɗɗukohu ambi ɗu amb ndengiɗ ŋ Kiristaani te wa hunnda na hool.

2 Korenta 11:14

Wa nikɗi in feyohiɗ. Seytaani sah na kulɓa'kohe kulɓa'koh malaaka leer.

Teeɓ ki 12:9

A njafuusa ŋ hara a yi iiñ-safaali yakki, iiña ɗeɓgaan yi na woyse siɓniɗi, wala Seytaani, yi na ñaañohe Adina jen ; a njafuusa ŋ kehƴi a yi na malaakaaciŋ ɗe.

Teeɓ ki 20:2

A ammba iiñ-safaali, iiña ɗeɓgaan, a yi siɓniɗi wala Seytaani. A ceennda ɗe, ceeni kaɗan kiis junni (1000).

Macce 4:3

Seytaani, yi na jaɗɗohe fiir, reɓpa woosa ɗe ne : « Nik ne fu Kuɓkiŋ Kooh ɗah, woya atoh cii, ca ɓoƴsuk mbuuru. »

Macce 10:16

Mi yii tuuƴ ɗu findi mbaal ŋ ɗooƴ gat ɓaakoɓ ; yunkaat findi iiñ, ɗu soos findi banuut.

Macce 4:6

a woosa ɗe ne : « Nik ne fu Kuɓkiŋ Kooh ɗah, faɗsuka ŋ kehƴi. Fiis ci Hooliɗ ci woyiɗ ne : “ Kooh hey nake malaakaaciŋ ɗe, ca ɓay ɗa ŋ yaah ciŋ ca po kot ciŋ ɗa laɓkanɗi ŋ atoh. ” »

Macce 4:9

A woosa ɗe ne : « In cii jen, fu ƴekiɗ to ne fu ñaamuk ko ɗah, ŋ hey ɗa ca one. »

1 Piyeer 3:7

Ɗu ɓi ƴaar ci, yaa nu nga ɗu ɗah namaat liiɓ baahiɗ ŋ findi a na pesohe na ɓitiice, fu inah ne hatiliŋ ɓitiifu hendɗi na wiŋ ɗa. Eɗa ɗe cir laam a hey name ɓaah ŋ findiifu ŋ kipes ki ɓoo baahohsan. Tumohaat ɗaa ne kiim ciŋ ɗu Kooh nikuu teyɗuksaaɗi.

Teeɓ ki 12:15

Iiña puussa masuɓ laayiɗ haa huluɓ ŋ finho ɓitɓa ne wa coottoh ɗe.