Camba 28:3 - Yegɗohiŋ Muci

³ Koohi Min onaat ɗa barke, a tum ɗa ɓasil po fu nik caaciŋ ɓi cuuɓi cuuɓ.

Camba 28:3 Iomraidhean Croise

Camba 48:3

A woosa Yuusufa ne : « Koohi Min teeɓkeen ndo ŋ Luus ŋ kur kaŋ Kanaan, a barke'iɗta so.

Camba 35:11

A woyissa ɗe ne : « Ñam Koohi Min. Rimaatɗoha, fu ɓaatuk laam cuuɓ angiɗ na heet laayiɗ hey pulohe nga ɗa ; ɓi buur sah hey raake nga.

Camba 13:16

Ŋ hey ɓaate ɓi na hee rimkohe nga ɗa po ɓa mand na merhey miŋ kehƴi, ɓo' minanɗi ɓa kind, findi ɓo' minohɗi kind merhey miŋ kehƴi.

Camba 9:1

Ŋ ineem, Kooh barke'iɗta Noohin na kuɓuuciŋ ɗe, a woosa ɓa ne : « Nikaat ɓasil, rimaatɗohaat po ɗu riifiɗ kehƴi jen.

Camba 1:28

A barke'iɗta ɓa, a woosa ɓa ne : « Ɓaslaat, rimaatɗohaat, riifɗaat kehƴi, minaat kehƴi jen, adgohaat cuurund ciŋ cookmi, na sel ciŋ eel ci, na in ci na yoonde ŋ kehƴi jen. »

Camba 43:14

Koohi Min ambohaat ɗu po ɗu misik ƴaara, a faɗis taambɗoh ɗu Simeyong na Benyaamin ɓa hayis na ɗu. Ŋ ini kaɗ nga so, nik ne maa hee hey ñake kuɓu ɗah, ŋ ñak rek. »

Camba 41:52

A teekka taambɗoha Efrayim (ɓasil) laam a woo ne : « Kooh tumiɗ to ɓasil ŋ kur ki ŋ torhiɗohu. »

Camba 24:60

Ɓa kiimiɗta ɗe an : « Kooh barke'ɗaat ɗa, gooyiŋ ɓoo, a tum ɗa ɓasil, te ɓi rimkohan nga ɗa degaat ɓi sang ɓa yaah. »

Teeɓ ki 21:22

Ŋ hotɗi ɗisik nga findi Kahan Kooh. Heɗ-hatili, Heɗ ɓoo Kooh na Kuyiŋ Mbaali ƴini, a yi Ɗiska Hooliɗa ndaam.

2 Korenta 6:18

Ŋ hey nike Baab nga ɗu, ɗu nik kuɓuuciŋ ngo ! » Heɗi, yi Heɗ-hatil woo ineem.

Pula 6:3

Ŋ teeɓkee Ibrahiima na Isaahha na Yaŋhooɓa ne ŋ Koohi Min. Waaye ŋ teeɓkeeɗi ɓa ŋ Nikiɗi, tiikiŋ ngo.

Camba 17:20

Ini kaɗ ŋ Ismaayla, ŋ kerhiɗ woo kiŋ ɗa, ŋ hey ɗe barke'ɗe, ŋ tum ɗe ɓasil, e kilifa ndaŋkiyaah na kanak (12) puloh nga ɗe te a fer cuuɓ angiɗ.

Camba 26:4

Ŋ hey ɓaate ɓi rimkohan nga ɗa po ɓa hend na hor ci laay te ŋ hey ɓa eɗe keheƴ cii jen. Cuuɓ ciŋ kehƴi jen hey raake barke sagu ɓi na hee rimkohe nga ɗa,

Camba 26:24

Ŋ weka mbaɗi, Nikiɗi teeɓukka ɗe, a woosa ɗe ne : « E mi Koohiŋ baab ɗu Ibrahiima, ka neƴƴoh ali in laam mi yii na ɗa ; ŋ hey ɗa barke'ɗe, ŋ ɓaat ɓi rimkohan nga ɗa sagu ñaamiŋ ngo Ibrahiima. »

Camba 27:33

Isaahha feyuusa po a saakɗoheeɗa ; a woosa ne : « Moo, a ɓa kee kaala po a hayya a eɗta so ŋ ñammba raak ɗa hayɗi ? Yeem a yi ŋ eɗ barkeeni te wa hey nike na ɗe. »

Camba 48:4

A woosa so ne : “ Ŋ hey ɗa tume ɓasil po fu nik caaciŋ ɓi cuuɓi cuuɓ te ŋ hey one ɓi na hee rimkohe nga ɗa kur kii, ɓa raakoota po faw. ”

Camba 49:25

Koohiŋ baab ɗu hirpaat ɗa, Koohi Min barke'ɗaat ɗa, a on ɗa toɓi na pulohe ɗafki, na masmi na pulohe ŋ kehƴi, a on ɗa, ɓitiɓ ci na ɗoopaat ci nik ɓasloh.

Pula 1:7

Waaye Israayel ca nikka ɓasil, ɓa rimaatɗoheeɗa, ɓa ɓaatkeeɗa, po ɓa riiffa kur ka.