Camba 24:7 - Yegɗohiŋ Muci

⁷ Laam Nikiɗi, Kooh yiŋ ɗafki, yi pulɗoh ho kahan baab na kur ɓoo, woyiɗ na so, a giñiɗta so ne a hey one ɓi rimkohan nga so kur kii jen ; a yi na hee woose malaakaaniŋ ɗe, yeem yooɓɗiɗ ɗa waasiŋ ɗa po, fu ɓayohiɗ kuɓkiŋ ngo ɓitiɓ ŋ ndaam.

Camba 24:7 Iomraidhean Croise

Heber ci 1:14

Malaakaaci, ca jen ca pangkoh ci minɗi hotu haa e ? Ca woosu ne ca ɓaatɗoh ɓi rahsan muci haa e ?

Pula 33:2

Ŋ hey woose malaaka, a nik ŋ fikiiɗu, ŋ hey aañe Kanaan ci na Amoor ci na Hit ci na Peris ci na Hiw ci na Yebuus ci.

Camba 13:15

laam kur ki fu na hote wii jen, ŋ hey ɗa wa one po faw, fu na ɓi na hee rimkohe nga ɗa.

Pula 32:13

Naandsuka ñaam ciŋ ɗa Ibrahiima na Isaahha, na Israayel, yi Yaŋhooɓa, ɓi fu giñɗe ŋ haf fu an : “ Ŋ hey ɓaate ɓi rimkohan nga ɗu po ɓa hend na hor ci. Ŋ hey ɓa eɗe kur ki ŋ gapee ɓa wii jen, wa nik wuu ɓa po faw. ” »

Camba 15:18

Mbaɗi, Nikiɗi ambtiɗohha na Ibram. A woosa ɗe ne : « Ɓooɓi pulohan nga ɗa, ɓeɗ maa hee eɗe kur kii ; ina nguɗoh ŋ kalaŋ Misra po ŋ Ewfaraat, kala yakka.

Teeɓ ki 11:13

Ŋ ɗiska ɗiska, kehƴi yoondɗukka yoondɗuk keeh-keeh, haaƴ yino ŋ haaƴ ci ndaŋkiyaah ciŋ kur-taaha keennda. Ɓo' junni-yasna-kanak (7000) kaannda ŋ yoondɗukaŋ kehƴa. Ɓi rawɗi kaan nga jaahiɗta, ɓa yakɗeeɗa Koohiŋ Eel ci.

Heber ci 11:9

A kosa a kosee tah po, a gennda ŋ kur ka a gapse findi hanhe ; a gennda ngaŋ ɗiip na Isaahha na Yaŋhooɓa ɓi Kooh namee gap ne ɓa hey name lam kur keem.

Tum ci 7:5

Kooh onɗi ɗe ali keheƴ, a onɗi ɗe sah in hend na ɗiski a min deg kot. Waaye a gappa ɗe ne a hey ɗe one kur ki, a yi na ɓi na hee rimkohe nga ɗe ŋ finhooce, te moona waam raak ɗe raakɗi kuɓu ndoom.

Pula 13:5

Nikiɗi ɓay ɗu, a ɓek ɗu ŋ kur ka a giñee ne a hey wa one caacuuciŋ ɗu ɗah, ɗu hey naandsuke ineem kiis nu ree ɗah ŋ caɓnii. Kur keem nikka kur kaŋ ɓi Kanaan, Hit ci, Amoor ci, Hiw ci na Yebuus ci, weɗ kur ka riifiɗ na miis na kuum.

Camba 26:24

Ŋ weka mbaɗi, Nikiɗi teeɓukka ɗe, a woosa ɗe ne : « E mi Koohiŋ baab ɗu Ibrahiima, ka neƴƴoh ali in laam mi yii na ɗa ; ŋ hey ɗa barke'ɗe, ŋ ɓaat ɓi rimkohan nga ɗa sagu ñaamiŋ ngo Ibrahiima. »

Camba 17:8

Te kur ki fu nikoh jaambur wii, wa nikka Kanaan, ŋ hey ɗa wa one jen, fu na ɓi na hee rimkohe nga ɗa, ɗu raakoota po faw ; te ñam na hee nike Koohiŋ ɓa. »

Yunus 1:9

A loffa ɓa ne : « Ŋ Heber, Nikiɗi, a yi mi na yakɗe, Kooh ŋ ɗafki, yi fer cookmi na kehƴi. »

Camba 16:7

A kaɗoh kaɗoh po a nikka ŋ sero laaha ŋ waas Suur, ŋ keheƴ hulang ; malaakaaniŋ Nikiɗi raakka ɗe nga,

Camba 21:17

Waaye Kooh kerhiɗ hoosooraŋ kuɓka. Ŋ ɗafuk eel ci malaakaaniŋ Kooh ɓeeɗukka Haajara, a woosa ɗe ne : « Haajara, wa ye na ɗa ? Kana neƴƴoh ali in laam Kooh kerhiɗ kuɓki ŋ ɗiski a nik ndeem.

Camba 22:11

waaye malaakaaniŋ Nikiɗi ɓeeɗukka ɗe ŋ eel ci, a woosa ɗe ne : « Ibrahiima ! Ibrahiima ! » A tahassa ɗe ne : « Ee, mi yii kerah ɗa. »

Camba 24:3

fu giñiɗ to ŋ Nikiɗi, Kooh yi Heɗ ɗafki na kehƴi, ne fu heyɗi waakɗe kuɓkiŋ ngo ɓitiɓ ŋ cafaƴ ciŋ Kanaan, kur ki ŋ genoh wii,

Camba 24:40

A loffa so ne : “ Nikiɗi, yi ŋ moos taamboh ŋ ini a waaɗ, hey woose malaakaaniŋ ɗe, a yooɓɗiɗ ɗa waasiŋ ɗa. Fu hey ɓayɗe kuɓkiŋ ngo ɓitiɓ ŋ cuuɓiŋ ngo, ŋ kahan baab ɓoo.