Camba 24:3 - Yegɗohiŋ Muci

³ fu giñiɗ to ŋ Nikiɗi, Kooh yi Heɗ ɗafki na kehƴi, ne fu heyɗi waakɗe kuɓkiŋ ngo ɓitiɓ ŋ cafaƴ ciŋ Kanaan, kur ki ŋ genoh wii,

Camba 24:3 Iomraidhean Croise

1 Korenta 7:39

Ɓitɓi raak ƴaar, feeh ƴaar ce yii pes ɗah, a ris ŋ niyiŋ ƴaar ce ; ƴaari kaan ɗah, a miniɗ kilookoh na ƴaari neɓ ɗe, waaye a nikaat ƴaari kos Heɗi.

Camba 28:8

Weɗ Esaaw inhoh ne cafaƴ ciŋ Kanaan neɓɗi baab ɓa.

Pula 34:16

Te ineem hey kaɗe po fu ɓayiɗ kuɓuuciŋ ɗa ƴaar ci ɓitiɓ ŋ cafaƴ ciŋ ɓa, cafaƴ ceem ɓek ɓa ŋ njaalooni ɓa na njaalo'e, weɗ ne ñaamki ɓa na ñaamke kooh ciŋ ɓa.

Pula 23:13

Ɗu hey taambɗe nakoh ci ŋ eɗ ɗu jen te kinaat moos kiim in ci ɓinooɓi amb ne ca kooh, tiik ciŋ ca sah kinaat kerhu ŋ nguɓ ciŋ ɗu.

Pula 20:7

Fu heyɗi njirñiɗkohe tiikiŋ Nikiɗi Koohiŋ ɗa ŋ woo ɓarang ɓarang ; mi yi Nikiɗi, ŋ faɗanɗi ɓo' a njirñiɗkohee tiikiŋ ngo ŋ woo ɓarang ɓarang.

Camba 50:25

Waaye Kooh tum, ɗu kaɗee ɗah, giñɗaat to ne, ɗu hey ɓayndohe ƴoh ciŋ ngo. »

Camba 27:46

Wa Rebeka woo na Yaŋhooɓa po ƴutta, a woosa Isaahha ne : « Ɗiski ŋ nik kipes neɓisɗi so sagu ɓitiɓ ciŋ Esaaw ɓii, na cuuɓiŋ Hiti ɓa nikoh. Yaŋhooɓa nam ɓay ɓitiɓ nga ɓa ɗah, wa carissanɗi ŋ pese. »

Camba 21:23

Ŋ ɗiski wa nik ndii, giña ŋ Kooh ne fu heyɗi so njuye, mi na kuɓuuciŋ ngo po ŋ set ciŋ ngo na haye ; ne findi ŋ moɗɗohee na ɗa, fu moɗɗohan na so ɗaa na ɓooɓiŋ kur ki fu parɗoh wii. »

Camba 14:19

A kiimiɗta Ibram barke an : « Kooh yi ŋ ɗafka ɗafka, yi fer eel ci na kehƴi, barke'ɗaat Ibram ;

Camba 6:4

Ŋ jamanoocaam, wa raakeen ɓi puŋkal ŋ kehƴi, te ɓa raakisseen. Ɓeem ɓeɗ nikee jalmbaaca ɗeɓgaan te tiik ciŋ ɓa kerhuuɗ. Ɓa rimkohee ngaŋ safaal ca na cafaƴ ca.

Camba 6:2

safaal ca hotta ne cafaƴ caŋ ɓo' ca moɗiɗ, ɓa ɓayya ɓitiɓ ngaŋ ɓi neɓ ɓa nga ɓa.

Heber ci 6:16

Ɓo' giñeesa ɗah, a na giñe ŋ tiikiŋ yi uup ɗe, wa ndengiɗ woo kiŋ ɗe, jaar taastiɗoh ci jen reeh.

Pula 22:11

Waaye wa woor ne ɗoopti rokohu ŋ yaah ce ɗah, a hey wirnde heɗ ce.

Camba 14:22

Ibram loffa ɗe ne : « Mi yii meeɓ yaah ŋ giñ Nikiɗi, Kooh yi ŋ ɗafka ɗafka, yi fer eel ci na kehƴi ne :

Camba 24:7

Laam Nikiɗi, Kooh yiŋ ɗafki, yi pulɗoh ho kahan baab na kur ɓoo, woyiɗ na so, a giñiɗta so ne a hey one ɓi rimkohan nga so kur kii jen ; a yi na hee woose malaakaaniŋ ɗe, yeem yooɓɗiɗ ɗa waasiŋ ɗa po, fu ɓayohiɗ kuɓkiŋ ngo ɓitiɓ ŋ ndaam.

Camba 28:1

Weɗ Isaahha ɓeeɗkoh Yaŋhooɓa a kiimiɗta ɗe barke, a dennga ɗe an : « Kana ɓay ɓitiɓ muk ŋ cafaƴ ci gen ndii, Kanaan,

Camba 47:31

Israayel woosa ne : « Giñiɗ to ineem. » A ginnjaa. Ndeem Israayel yippa pukiŋ ɗe ŋ haf fiƴaangaŋ ɗe, a ñaamukka Kooh.

Camba 34:9

Te, ɓoo kilooktiɗohaat, ɗu ɓayee ɓitiɓ ŋ kuɓuuciŋ ɓoo, ɓoo namee kilook ŋ cafaƴ ciŋ ɗu.

Camba 38:2

A hotta cafaƴ nga, kuɓu Suwa ya genee Kanaan, a ɓayya ɗe ɓitiɓ, a hunnda na ɗe.