Camba 24:1 - Yegɗohiŋ Muci

¹ Ibrahiima yaɓko'een lool, te Nikiɗi barke'ɗeen ɗe ŋ in nu nik ɗah.

Camba 24:1 Iomraidhean Croise

Ɓi Galaat 3:9

Tahha po ɓi kos na barke'ɗasse na Ibrahiima, yi kos.

Macce 6:33

Waakaat ini na kaɗɗe fiki Nguuriŋ ɗe na kiyurhiŋ ɗe paaɗ, a hey ɗu ca one, a ɓaatiɗ ɗu cinooci jen nga.

Camba 13:2

Ibram raakeen lool, a amboheen ɓi gat yakoh na yakoh, na haalis na urus laayoh na laayoh.

Camba 18:11

Weem raak Ibrahiima yaɓko'iɗ te Saarata namiɗ ɓitif ŋ raak kuɓu.

Ɓi Efes 1:3

Eey Kooh, yi nik Koohiŋ Heɗ ɓoo Yeesu Kiristaa, a nammba nik Baabiŋ ɗe, a yakɗaah ; ŋ niki ɓoo nik ŋ Kiristaani, a barke'ɗiɗ ɓoo ŋ Fuuɗsi Hoolohngaani, barke nu nik ŋ ɗafki.

Camba 12:2

Ŋ hey ɗa barke'ɗe, ŋ pulɗoh cuuɓ angiɗ nga ɗa, ŋ yakiɗ tiikiŋ ɗa te fu nik camboha barke.

1 Timoote 4:8

Meeɗiɗ faaniŋ ɗa yoonduk, wa raakiɗ njiriñ, waaye njirñiŋ wa laayɗi. Meeɗiɗ haf fu tum ini neɓ Kooh weɗ raak njiriñ ŋ in ci jen, wa hun na gapohiŋ Kooh ŋ kipes kii na wi na haye.

Yegɗohiŋ Muci Luk fiis 1:7

Waaye ɓa raakeeɗi kuɓu laam Elisabet jaasiree jaasir, te ɓa kanak jen, ɓa nikee yakak.

Camba 49:25

Koohiŋ baab ɗu hirpaat ɗa, Koohi Min barke'ɗaat ɗa, a on ɗa toɓi na pulohe ɗafki, na masmi na pulohe ŋ kehƴi, a on ɗa, ɓitiɓ ci na ɗoopaat ci nik ɓasloh.

Camba 25:20

Wa a raak kiis ndaŋkiyaah-nikiis (40), a ɓayya Rebeka ɓitiɓ, taambɗoh Laban. Rebeka namee nik kuɓu Betuwel ; ɓeɗ ɓeem, ɓa ɓaahee ŋ cuuɓaŋ Aram ca, ɓa genee Paddan-Aram.

Camba 24:35

Nikiɗi barke'ɗiɗ kilifaaniŋ ngo lool, a tumiɗ ɗe ɓo' raakiɗ. A oniɗ ɗe ɓi pe', mbaal, na inoh, urus na haalis na ɓi ñaam ƴaar na ɓitiɓ na ngeelemb na mbaam.

Camba 21:5

Ibrahiima raakeen kiis teemet (100) wa Isaahha raaku.

Camba 26:12

Ŋ kiis ka, Isaahha sokka ŋ kur ka, a raakka ini ree waas teemet ŋ ina a soke, laam Nikiɗi barke'ɗeen ɗe.