Camba 21:2 - Yegɗohiŋ Muci

² Saarata ammba rook, a raakiɗta Ibrahiima kuɓu ƴaar, ngaŋ kiyaɓkookaŋ ɗe, findi Kooh gapohee wa, wa nohaŋ wa ree.

Camba 21:2 Iomraidhean Croise

Heber ci 11:11

A kos tah, Kooh tummba po Ibrahiima na Saarata minnda raak kuɓu, ali nik ne ɓa yakeen ŋ raak kuɓu, te a yi Saarata sah, a nikee ɓitiɓ minaaɗi raak kuɓu. Wa wooree woor Ibrahiima ne Yi gapoh na dokkeeɗi finho.

Ɓi Galaat 4:22

Wa woo ne Ibrahiima raakee kuɓu kanak, yinni rimkoh ŋ ñaam, yinoori rimkohha ŋ gor.

Tum ci 7:8

Ƴutta Kooh ambtiɗohha na Ibrahiima, a eɗta ɗe nguɗuk ne wa teeɓohee ambtiɗoheem. Ibrahiima raakka kuɓu ƴaar Isaahha, a nguɗta ɗe ŋ mbeha yasna-kaahayɗoh. Isaahha nammba tum kuɓkiŋ ɗe Yaŋhooɓa ɗaa, yeem nammba tum kuɓuuciŋ ɗe ndaŋkiyaah na kanak ci (12) ɗaa, ɓeɗ ɓi caac ciŋ cuuɓ ciŋ ɓoo.

Yegɗohiŋ Muci Luk fiis 1:36

Marka, Elisabet yi ndaamu nga ɗa, a rook ; a hey raake kuɓu ƴaar ŋ kiɓitfiŋ ɗe wii. A yi ɓooɓi woyee ne, a jaasir jaasir, moona a rook po wa raakiɗ caɓin yasna-yino.

Camba 18:14

Andi raakiɗ ini wooñ Nikiɗi ? E mi woo ɗa wa, ŋ hey dokkisse ndii maas, ŋ raakan Saarata raakiɗ kuɓu ƴaar. »

Camba 18:10

Yino nga ɓa woosa ɗe ne : « Mi na woyee ɗu ini nik : Ŋ hey dokkisse ndii maas, ŋ raakan Saarata ɓitiifu raakiɗ kuɓu ƴaar. » Weem raak Saarata ŋ nguɓu ɗiipa, ŋ finho ɓoyi, a kerheeɗa ɓa.

Camba 17:19

Kooh woosa ɗe ne : « Ŋ woo ne hee, Saarata hey raake kuɓu ƴaar yi fu na hee teeke Isaahha, ŋ hey ambtiɗohe na ɗe po faw, a yi na ɓi na hee rimkohe nga ɗe.

Camba 17:21

Waaye ambtiɗohiŋ ngo na ɗa nak, ŋ hey wa tufkiɗe na Isaahha, kuɓki Saarata na hee raake maas. »

Ɓi Rom 9:9

Inii weɗ gapohi Kooh gapee Ibrahiima : « Ŋ hey dokkisse ndii maas, ŋ raakan Saarata raakiɗ kuɓu ƴaar. »