Camba 20:1 - Yegɗohiŋ Muci

¹ Ŋ jamanoonaam, Ibrahiima pulohha ndeem, a kaɗta Negef, a yippa ŋ harmban Kades na Suur, a kurkissa nga, a kaɗta Gerar.

Camba 20:1 Iomraidhean Croise

Camba 26:6

Weɗ tah Isaahha tassa ŋ Gerar.

Camba 26:1

Wa raakka jamano, aɗ raakka ŋ kur ka, aɗ ɗalohiɗ na wa raakee ŋ jamanoonaŋ Ibrahiima ; tahha po Isaahha kaɗta Gerar ɗiskaŋ Abimelek buuraŋ Filistiica.

Camba 18:1

Wa nikee ŋ noh damiɗ, Nikiɗi teeɓukka Ibrahiima ŋ kidig ca yakak caŋ Mamre, raak ɗe ɓoofiɗ ŋ nguɓu ɗiipaŋ ɗe.

Camba 26:26

Isaahha, a yi nikoh ŋ Beerseba po, Abimelek pulohha Gerar, a hunnda na Ahusat nawleece, na Pikol, ƴaara adgohee hiñohoh caŋ ɗe, ɓa hayya ɗe raake.

Camba 26:20

Waaye niiɗoh caŋ Gerar nookoheeɗa na ɓaŋ Isaahha an : « Masmii, a ɓoo raaka. » Isaahha teekka naacaam Esek (ñaɗoh) laam ɓa waakee ɗe ñaɗoh.

Camba 24:62

Waam, raak Isaahha pulohiɗ Lahay-Roy, a gennda Negef.

Camba 13:1

Wa Ibram na pulɗasse Misra na ɓitiice, na raak-raakaŋ ɗe jen, a gurdeeɗa Negef, Loot nikangee na ɗe.

Camba 10:19

Ɓeɗ genee ini amboh Sidoon na ɓak Gerar po ŋ Gasaa ; na Sodom, Gomor, Atma na Seboyim, kaɗeeɗa po Leesa.

Camba 16:14

Ineem tahha po laaheem teekuusa "Lahay-Roy" (Pesɗi na hotee so) ; wa ɗaa ŋ harmban Kades na Bered.

Camba 16:7

A kaɗoh kaɗoh po a nikka ŋ sero laaha ŋ waas Suur, ŋ keheƴ hulang ; malaakaaniŋ Nikiɗi raakka ɗe nga,

Camba 16:1

Saraay yi ɓiti Ibram, a raakɗeeɗi ɗe kuɓu, waaye a raakeen ñaam teeku Haajara pulohee Misra.

Camba 14:7

Ɓa pulohha nga, ɓa gurdohha En-Mispat, weɗi Kades ; ɓa degga kur kaŋ Amalek ca jen yaah. Ƴutta ɓa nammba keen Amoor ca genee Hasason-Tamaar.

Camba 12:9

Wa a puloh nga, a yongsukeeɗa ƴin ƴin ŋ ɓak Negef.

Camba 25:18

Ɓi rimkoh nga ɗe genee ŋ harmban Hawiilaa na Suur, ŋ pulohaaɗ-nohaŋ Misra, ŋ waas Assuur. Ɓa genoh ɗaa, saɓsukohiɗ na ɓaah caŋ ɓa.

Pula 15:22

Musaa adgiɗta Israayel ca, ɓa pulohha Cookmaŋ-Hapeel-ca, ɓa yurahha kehƴa hulangaŋ Suur. Ɓa tiinnda neeh kaahay, ɓa hotɗi masmi ɓa anan.

Camba 21:34

Ibrahiima gennda in maañiɗ ŋ kur kaŋ Filistiica.