Camba 17:6 - Yegɗohiŋ Muci

⁶ Ŋ hey ɗa tume ɓasil, ɓi cuuɓi cuuɓ hey pulohe nga ɗa, ɓi buur sah hey rimkohe nga ɗa.

Camba 17:6 Iomraidhean Croise

Camba 17:4

a woosa ɗe ne : « Ambtiɗohiŋ ngo na ɗa, wa na hee tufkohe an : Fu hey nike baabiŋ ɓi cuuɓi cuuɓ,

Camba 35:11

A woyissa ɗe ne : « Ñam Koohi Min. Rimaatɗoha, fu ɓaatuk laam cuuɓ angiɗ na heet laayiɗ hey pulohe nga ɗa ; ɓi buur sah hey raake nga.

Camba 17:16

Ŋ hey ɗe barke'ɗe, ŋ on ɗa kuɓu ƴaar na ɗe, ŋ hey ɗe barke'ɗe, po a nikan caaciŋ ɓi cuuɓi cuuɓ ; ɓi buur sah hey pulohe nga ɗe. »

Camba 17:20

Ini kaɗ ŋ Ismaayla, ŋ kerhiɗ woo kiŋ ɗa, ŋ hey ɗe barke'ɗe, ŋ tum ɗe ɓasil, e kilifa ndaŋkiyaah na kanak (12) puloh nga ɗe te a fer cuuɓ angiɗ.

Camba 26:22

Isaahha pulohha ndaam, ñaam caŋ ɗe acissa naac, ali woo raakɗi nga, a teekkaa Rehobot (ɗisik angiɗ), laam a woo ne : « Nikiɗi oniɗ ɓoo po, ɓoo raakiɗ ɗisik angiɗ, ɓoo hey mine raak in ŋ kur kii. »

Camba 28:3

Koohi Min onaat ɗa barke, a tum ɗa ɓasil po fu nik caaciŋ ɓi cuuɓi cuuɓ.

Camba 41:52

A teekka taambɗoha Efrayim (ɓasil) laam a woo ne : « Kooh tumiɗ to ɓasil ŋ kur ki ŋ torhiɗohu. »

Camba 47:27

Ŋ ini kaɗ ŋ Israayel ci, ɓa risee ŋ Misra, ŋ kur ka na woyse Gosen, ɓa ɓasilla nga lool te ɓa raakka keheƴ nga.

Camba 13:16

Ŋ hey ɓaate ɓi na hee rimkohe nga ɗa po ɓa mand na merhey miŋ kehƴi, ɓo' minanɗi ɓa kind, findi ɓo' minohɗi kind merhey miŋ kehƴi.

Camba 48:3

A woosa Yuusufa ne : « Koohi Min teeɓkeen ndo ŋ Luus ŋ kur kaŋ Kanaan, a barke'iɗta so.

Camba 48:4

A woosa so ne : “ Ŋ hey ɗa tume ɓasil po fu nik caaciŋ ɓi cuuɓi cuuɓ te ŋ hey one ɓi na hee rimkohe nga ɗa kur kii, ɓa raakoota po faw. ”