Camba 17:1 - Yegɗohiŋ Muci

¹ Wa Ibram raak kiis ndaŋkiyaah-yasna-nikiis na yasna-nikiis (99), wa raakka mbeh, Nikiɗi teeɓukka ɗe, a woosa ɗe ne : « E mi Koohi Min, pesa findi ŋ waaɗoh, fu nik yurhiɗ.

Camba 17:1 Iomraidhean Croise

Ɓi Filippi 4:13

Ŋ miniɗ in nu in ŋ niki ŋ nik ŋ Yi on ndo hatil.

Ɓi Efes 3:20

Kooh, ŋ hatiliŋ ɗe, na pangke ŋ ɗooƴ ɓoo, te a miniɗ tum ini uup fuuf ini ɓoo na kiime wala liiɓe.

Camba 6:9

Inii weɗ naandsuku ŋ Noohin. Noohin a nikee ɓo' yurhiɗ ngaŋ ɓooɓaŋ jamanoonaŋ ɗe, te a hunee na Kooh.

Yegɗohiŋ Muci Luk fiis 1:6

Ɓa kanak jen ɓa nikee ɓo' yurhiɗ ŋ fiki Kooh ; ɓa meeɗta taambiɗ in ci Heɗ ɓoo nakoh jen na waasiŋ ɗe te ali ɓo' raakeeɗi woyaah ɓa.

Macce 5:48

Kon kinaat raak sikka findi Baabiŋ ɗu yi nik ŋ ɗafki raakohɗi sikka.

Camba 18:14

Andi raakiɗ ini wooñ Nikiɗi ? E mi woo ɗa wa, ŋ hey dokkisse ndii maas, ŋ raakan Saarata raakiɗ kuɓu ƴaar. »

Macce 19:26

Yeesu marakka ɓa, woosa ɓa ne : « Wa wooñiɗ ɓo' waaye raakɗi ini wooñ Kooh. »

Camba 28:3

Koohi Min onaat ɗa barke, a tum ɗa ɓasil po fu nik caaciŋ ɓi cuuɓi cuuɓ.

Camba 35:11

A woyissa ɗe ne : « Ñam Koohi Min. Rimaatɗoha, fu ɓaatuk laam cuuɓ angiɗ na heet laayiɗ hey pulohe nga ɗa ; ɓi buur sah hey raake nga.

Heber ci 7:25

Ineem weɗ tah a namiɗ min muciɗ muc mitiɗ ɓi taamboh nga ɗe ne ɓa reɓ ngaŋ Kooh. Laam, a pesan pes po faw ne a ngelɗee ɓa.

Heber ci 12:28

Ini kaɗ nga ɓoo, ɓoo rahas Nguuri minɗi yoondɗu, ɓoo genaat corkiɗ Kooh, weɗ na tahe ɓoo min ɗe ñaamuk ñaamki neɓ ɗe, wa hun na eɗ ɗe cir na nup ɗe.

Tum ci 24:16

Weɗ tah ŋ nam gen ŋ ndengɗuk ne ŋ raak hel daliɗ ŋ fiki Kooh na fiki ɓooɓi.

Camba 48:15

A barke'iɗta Yuusufa an : « Mi yii kiim Kooh yi Ibrahiima na Isaahha ñaakɗe ŋ kipes kiŋ ɓa jen, Kooh yi na niiɗee so ina ŋ nikoh po wii,

Camba 12:1

Ɓi kahan Tera, ɓeɗ gen ŋ Haaraan po wa raakka mbeh, Nikiɗi woosa Ibram ne : « Faɗa kur ki fu genoh, fu faɗ ɓaah ciŋ ɗa, fu nam faɗ ɓi kahan baabiŋ ɗa ; fu yurah ŋ kur ka maa hee ɗa teeɓe.

Camba 5:24

Henok hunee na Kooh po a hotissuuɗi laam Kooh rapiɗ ɗe rapiɗ ŋ serooce.

Tum ci 23:1

Pool marakka ɓooɓaŋ saangna, a woosa ne : « Ɓaah ciŋ ngo, ina ŋ camboh po woti, maa pese ŋ fiki Kooh na hel daliɗ. »

Pula 6:3

Ŋ teeɓkee Ibrahiima na Isaahha na Yaŋhooɓa ne ŋ Koohi Min. Waaye ŋ teeɓkeeɗi ɓa ŋ Nikiɗi, tiikiŋ ngo.

Camba 18:1

Wa nikee ŋ noh damiɗ, Nikiɗi teeɓukka Ibrahiima ŋ kidig ca yakak caŋ Mamre, raak ɗe ɓoofiɗ ŋ nguɓu ɗiipaŋ ɗe.

Camba 12:7

Ŋ ndaam Nikiɗi teeɓukka ɗe, woosa ɗe ne : « Kur kii jen ŋ hey wa eɗe ɓi rimkohan nga ɗa. » Ibram haɓiɗta seeƴkiɗoha haf ce ŋ Nikiɗi, laam a yi teeɓuk ɗe nga.

Camba 16:16

Ibram raakeen kiis ndaŋkiyaah-yasna-kaahay na kiis yasna-yino (86), wa Haajara raakiɗ ɗe Ismaayla.

Camba 5:22

Henok hunee na Kooh. Ŋ finho raakuukaŋ Matusalem, a pessa ŋ ineem kiis teemet-kaahay (300). A raakisseen ɓi kuɓu ƴaar na ɓitiɓ.

Camba 24:40

A loffa so ne : “ Nikiɗi, yi ŋ moos taamboh ŋ ini a waaɗ, hey woose malaakaaniŋ ɗe, a yooɓɗiɗ ɗa waasiŋ ɗa. Fu hey ɓayɗe kuɓkiŋ ngo ɓitiɓ ŋ cuuɓiŋ ngo, ŋ kahan baab ɓoo.

Camba 26:2

Ŋ ndaam, Nikiɗi teeɓukka ɗe, woosa ɗe ne : « Kana kaɗ Misra waaye tasa ŋ kur ka maa hee ɗa teeɓe.

Camba 43:14

Koohi Min ambohaat ɗu po ɗu misik ƴaara, a faɗis taambɗoh ɗu Simeyong na Benyaamin ɓa hayis na ɗu. Ŋ ini kaɗ nga so, nik ne maa hee hey ñake kuɓu ɗah, ŋ ñak rek. »

Camba 46:3

Kooh woosa ɗe ne : « Ñam Kooh, Koohiŋ baab ɗu, kana neƴƴoh kaɗ Misra, ŋ hey pulɗohe cuuɓ angiɗ nga ɗa, ŋ ndaam.

Camba 48:3

A woosa Yuusufa ne : « Koohi Min teeɓkeen ndo ŋ Luus ŋ kur kaŋ Kanaan, a barke'iɗta so.