Camba 13:16 - Yegɗohiŋ Muci

¹⁶ Ŋ hey ɓaate ɓi na hee rimkohe nga ɗa po ɓa mand na merhey miŋ kehƴi, ɓo' minanɗi ɓa kind, findi ɓo' minohɗi kind merhey miŋ kehƴi.

Camba 13:16 Iomraidhean Croise

Camba 28:14

Ɓi rimkohan nga ɗa hey laaye po ɓa mand na merhey. Ɗu hey ɓaatke ŋ ɓak ci jen : pulohaaɗ-noh na muyohaaɗ-noh, yaah-sing na yaah-ñaahum. Cuuɓ ciŋ kehƴi jen hey raake barke saguufu, fu na ɓi na hee rimkohe nga ɗa.

Camba 32:12

Mi yii kiim ɗa fu muciɗ to ŋ yaah ciŋ taambɗoh ho Esaaw laam, ŋ neƴƴohiɗ ne a raak ko ndii, a ap po, a apndoh ndaamu na kuɓu.

Pula 32:13

Naandsuka ñaam ciŋ ɗa Ibrahiima na Isaahha, na Israayel, yi Yaŋhooɓa, ɓi fu giñɗe ŋ haf fu an : “ Ŋ hey ɓaate ɓi rimkohan nga ɗu po ɓa hend na hor ci. Ŋ hey ɓa eɗe kur ki ŋ gapee ɓa wii jen, wa nik wuu ɓa po faw. ” »

Camba 22:17

ŋ hey ɗa barke'ɗe baahiɗ, ŋ on ɗa ɓi rimkohan nga ɗa laay po ɓa hend na hor ciŋ eel ci, po ɓo' minuu ɓa kind findi merhey miŋ yaah-cookmi. Te ɓeɗ na hee mine ɓi sang ɓa jen ;

Camba 15:5

Nikiɗi puliɗta ɗe ŋ hara, a woosa ɗe ne : « Taaknuka, fu kind hor ci ne fu miniɗa ɗah. Fu hotiɗ findi ca laayoh e ? Ɓi rimkohan nga ɗa hendan ɗaa. »

Teeɓ ki 7:9

Wi ŋ hot ɓooɓi ñaasu ɓeem po ƴutta, ŋ markissa, ŋ hotissa mboolo keeh-keeh, wi ali ɓo' minɗi kind. Ɓooɓeem pulohee kur nu nik, heet nu nik, cuuɓ nu nik na peɗeem nu nik. Ɓa tufukka ŋ fiki ɓoofoha-buura na Kuyaŋ Mbaala ƴina, ɓa ɓekkee kulɓa yaanow hutiɗ, ɓa ammba raang njang ŋ yaah.

Pula 1:7

Waaye Israayel ca nikka ɓasil, ɓa rimaatɗoheeɗa, ɓa ɓaatkeeɗa, po ɓa riiffa kur ka.

Camba 46:3

Kooh woosa ɗe ne : « Ñam Kooh, Koohiŋ baab ɗu, kana neƴƴoh kaɗ Misra, ŋ hey pulɗohe cuuɓ angiɗ nga ɗa, ŋ ndaam.

Camba 35:11

A woyissa ɗe ne : « Ñam Koohi Min. Rimaatɗoha, fu ɓaatuk laam cuuɓ angiɗ na heet laayiɗ hey pulohe nga ɗa ; ɓi buur sah hey raake nga.

Camba 28:3

Koohi Min onaat ɗa barke, a tum ɗa ɓasil po fu nik caaciŋ ɓi cuuɓi cuuɓ.

Camba 26:4

Ŋ hey ɓaate ɓi rimkohan nga ɗa po ɓa hend na hor ci laay te ŋ hey ɓa eɗe keheƴ cii jen. Cuuɓ ciŋ kehƴi jen hey raake barke sagu ɓi na hee rimkohe nga ɗa,

Camba 21:13

hondohɗi kuɓkiŋ ñaamiŋ ɗa, ŋ hey name fer cuuɓ angiɗ nga ɗe, laam, a nam puloh nga ɗa. »

Camba 18:18

Laam, a hey fere cuuɓ angiɗ, raakiɗ hatil, te ŋ hey barke'ɗe cuuɓ ciŋ kehƴi jen, saguuce.

Camba 17:20

Ini kaɗ ŋ Ismaayla, ŋ kerhiɗ woo kiŋ ɗa, ŋ hey ɗe barke'ɗe, ŋ tum ɗe ɓasil, e kilifa ndaŋkiyaah na kanak (12) puloh nga ɗe te a fer cuuɓ angiɗ.

Camba 17:16

Ŋ hey ɗe barke'ɗe, ŋ on ɗa kuɓu ƴaar na ɗe, ŋ hey ɗe barke'ɗe, po a nikan caaciŋ ɓi cuuɓi cuuɓ ; ɓi buur sah hey pulohe nga ɗe. »

Camba 17:6

Ŋ hey ɗa tume ɓasil, ɓi cuuɓi cuuɓ hey pulohe nga ɗa, ɓi buur sah hey rimkohe nga ɗa.

Heber ci 11:12

Tahha po wa raakangannga, ɓi laayiɗ rimkohha ngaŋ ɓo' yino yi useeɗi kakaan ; ɓa laayya po haa hor ciŋ eel ci, ɓa minaaɗiisa kindu po haa merhey miŋ yaah-cookmi.

Camba 16:10

A woyissa ɗe ne : « Ŋ hey tume ɓi rimkohan nga ɗa laay po ɓo' minuu ɓa kind. »

Camba 17:2

Ŋ hey ambtiɗohe na ɗa te ŋ hey ɗa tume ɓasil. »

Camba 32:13

A fu woyee so ne : “ Ŋ hey ɗa ambohe, ŋ ɓaat ɓi na hee rimkohe nga ɗa, po ɓa hend na merhey mi ŋ yaah-cookmi. Ali ɓo' minanɗi ɓa kind. ” »