Camba 12:7 - Yegɗohiŋ Muci

⁷ Ŋ ndaam Nikiɗi teeɓukka ɗe, woosa ɗe ne : « Kur kii jen ŋ hey wa eɗe ɓi rimkohan nga ɗa. » Ibram haɓiɗta seeƴkiɗoha haf ce ŋ Nikiɗi, laam a yi teeɓuk ɗe nga.

Camba 12:7 Iomraidhean Croise

Ɓi Galaat 3:16

Kooh raakiɗ ini a gap Ibrahiima na tisohiŋ ɗe. Te sah, ɓo' miniɗ hot ne, wa wooɗi "tisoh ciŋ ɗe", waaye "tisohiŋ ɗe". Kon, wa yino dong, te tisoheem, a Kiristaani.

Camba 17:8

Te kur ki fu nikoh jaambur wii, wa nikka Kanaan, ŋ hey ɗa wa one jen, fu na ɓi na hee rimkohe nga ɗa, ɗu raakoota po faw ; te ñam na hee nike Koohiŋ ɓa. »

Camba 17:1

Wa Ibram raak kiis ndaŋkiyaah-yasna-nikiis na yasna-nikiis (99), wa raakka mbeh, Nikiɗi teeɓukka ɗe, a woosa ɗe ne : « E mi Koohi Min, pesa findi ŋ waaɗoh, fu nik yurhiɗ.

Camba 18:1

Wa nikee ŋ noh damiɗ, Nikiɗi teeɓukka Ibrahiima ŋ kidig ca yakak caŋ Mamre, raak ɗe ɓoofiɗ ŋ nguɓu ɗiipaŋ ɗe.

Camba 13:15

laam kur ki fu na hote wii jen, ŋ hey ɗa wa one po faw, fu na ɓi na hee rimkohe nga ɗa.

Camba 13:4

A ɓeeɗkohha Kooh ŋ tiikiŋ Nikiɗi ŋ seeƴkohaana a ɗeɓee haɓiɗ ŋ ndaam.

Camba 13:18

Ƴutta, Ibram ɗoffa ndutaŋ ɗe, a kaɗta, a yippa ŋ kidig ca yakak caŋ Mamre ŋ ɓak Hebron, ŋ ndaam a haɓiɗta seeƴkoha wuu Nikiɗi.

Pula 33:1

Nikiɗi woosa Musaa ne : « Kaɗa, fu na cuuɓi fu pulɗoh Misra, kurkaat ndii, ɗu kaɗ kur ka ŋ giñɗee Ibrahiima na Isaahha na Yaŋhooɓa ne ŋ hey wa eɗe ɓi rimkohan nga ɓa.

Camba 32:30

Yaŋhooɓa nammba ɗe meekis : « Fu miniɗ to woo findi fu teeku e ? » A woosa ne : « Wee tah fu meeksee so tiikiŋ ngo ? » Ŋ ineem, a barke'iɗta Yaŋhooɓa.

Camba 26:25

Isaahha haɓiɗta seeƴkoha ndaam, a ɓeeɗkohha Kooh ŋ tiikiŋ Nikiɗi. A yippa ɗiipaŋ ɗe ndaam, ñaam caŋ ɗe acissa naac ŋ ɗiska.

Camba 12:8

Wa a ƴuta haɓiɗ, a kurukka, a yurahha tangooca lak Betel pulohaaɗ-noh ; a yippa ɗiipaŋ ɗe ŋ harmban Betel na Ay. Betel lakkaa muyohaaɗ-noh, Ay pulohaaɗ-noh. Ŋ ndaam a haɓiɗta seeƴkoha, a gidimmba Nikiɗi na ñaamuk.

Heber ci 11:13

Ɓooɓi kosee ɓeem jen kaan na kos. Ɓa rahasɗi in ci Kooh gapohe, waaye ɓa ƴokiɗ ca, ɓa summba nga ca po haa ɓoyi na taambɗukee ɓo' ; ɓa woosa halang ne ɓa hanhe ngaŋ kehƴi, ɓa ɓaaɓoh.

Ɓi Rom 9:8

Ineem tokis inii : A set ci Ibrahiima rimoot, ɓeɗ kuɓuuciŋ Kooh haa, waaye a kuɓuuci Kooh gapee ɗe ɓeɗ ambu findi ɓi rimkoh nga ɗe.

Camba 22:9

Wa ɓa ree ɗiska Kooh woyee ɗe, Ibrahiima haɓiɗta seeƴkoha, a degga sokoñ ca nga, a tokka kuɓkiŋ ɗe Isaahha, a degga ɗe ŋ sokoñ ca.

Camba 17:3

Wa a kerah woo keem, Ibram ƴekka po pukiŋ ɗe reesa kehƴi, Kooh taalndiɗta woyeeɗa na ɗe,

Camba 15:18

Mbaɗi, Nikiɗi ambtiɗohha na Ibram. A woosa ɗe ne : « Ɓooɓi pulohan nga ɗa, ɓeɗ maa hee eɗe kur kii ; ina nguɗoh ŋ kalaŋ Misra po ŋ Ewfaraat, kala yakka.

Ɓi Galaat 4:28

Ini kaɗ nga ɗu, ɓaah ciŋ ngo, ɗu kuɓuuciŋ gapohi findi Isaahha.

Pula 6:3

Ŋ teeɓkee Ibrahiima na Isaahha na Yaŋhooɓa ne ŋ Koohi Min. Waaye ŋ teeɓkeeɗi ɓa ŋ Nikiɗi, tiikiŋ ngo.

Camba 33:20

A haɓiɗta seeƴkoha nga ; a teekkaa El-Elohe-Israayel (Koohiŋ Israayel a yi Kooh).

Camba 28:13

An ŋ heeƴi, Nikiɗi nikee ŋ serooce a woosa ɗe ne : « Ñam Nikiɗi, Koohiŋ caac ɗu Ibrahiima na baab ɗu Isaahha. Kehƴi fu faankoh wii, ŋ hey ɗa wa one, fu na ɓi na hee rimkohe nga ɗa.

Camba 26:3

Nikohaaha nga, ŋ hey ɗa ambohe, ŋ barke'iɗ ɗa, laam maa hee ɗa eɗe keheƴ cii jen, fu na ɓi na hee rimkohe nga ɗa ; ŋ hey tume ini ŋ gapee baab ɗu Ibrahiima te ŋ ginnjaa.

Camba 8:20

Ƴutta, Noohin haɓiɗta seeƴkiɗoha haf ce ŋ Nikiɗi, a ɓayya ŋ ɗoopaat ca hooliɗ ca na ŋ sel ca hooliɗ ca, a hoomiɗta ca nga.

Tum ci 7:5

Kooh onɗi ɗe ali keheƴ, a onɗi ɗe sah in hend na ɗiski a min deg kot. Waaye a gappa ɗe ne a hey ɗe one kur ki, a yi na ɓi na hee rimkohe nga ɗe ŋ finhooce, te moona waam raak ɗe raakɗi kuɓu ndoom.

Heber ci 11:8

A kos tah po, wa Ibrahiima ɓeeɗku, a teyɗukka kaɗ kur ka a joyee rahas lamaah lamu te a inahɗi ɗiska a kaɗe.

Camba 24:7

Laam Nikiɗi, Kooh yiŋ ɗafki, yi pulɗoh ho kahan baab na kur ɓoo, woyiɗ na so, a giñiɗta so ne a hey one ɓi rimkohan nga so kur kii jen ; a yi na hee woose malaakaaniŋ ɗe, yeem yooɓɗiɗ ɗa waasiŋ ɗa po, fu ɓayohiɗ kuɓkiŋ ngo ɓitiɓ ŋ ndaam.

Pula 6:4

Ŋ namiɗ ambtiɗoh na ɓa ; ŋ gappa ɓa on kur kaŋ Kanaan wa ɓa nikohee findi hanhe.

Pula 32:13

Naandsuka ñaam ciŋ ɗa Ibrahiima na Isaahha, na Israayel, yi Yaŋhooɓa, ɓi fu giñɗe ŋ haf fu an : “ Ŋ hey ɓaate ɓi rimkohan nga ɗu po ɓa hend na hor ci. Ŋ hey ɓa eɗe kur ki ŋ gapee ɓa wii jen, wa nik wuu ɓa po faw. ” »

Camba 13:17

Kurka, fu taambiɗ kur ki jen ŋ hutiiniŋ wa na angiiniŋ wa, laam maa hee ɗa wa one. »

Camba 28:4

Kooh onaat ɗa barkeeni a onee Ibrahiima, fu na ɓi rimkohan nga ɗa po fu raak kur ki fu nikoh jaambur wii, wi a gapee Ibrahiima. »

Camba 35:7

A haɓiɗta seeƴkoha nga, a teekka ɗiska El-Betel (Koohiŋ Betel) laam, Kooh teeɓkohee ɗe ndaam wa a nupee taambɗoh ce.

Camba 35:12

Kur ki ŋ onee Ibrahiima, ŋ onndaa Isaahha, ŋ hey ɗa wa one, ŋ ona ɓi na hee rimkohe nga ɗa. »

Camba 50:24

Bala a kaanan ɗah, Yuusufa woyeen taambɗoh ciŋ ɗe ne : « Ŋ mand na kurkiɗ nga, waaye wa hooliɗ to ne Kooh hey ɗu ambohe ; te a hey ɗu dokne ŋ kur ka a gapee Ibrahiima, Isaahha na Yaŋhooɓa.

Pula 17:15

Ŋ ndaam, Musaa yippa seeƴkoha wuu Nikiɗi nga, a teekkaa tiiki tokis : "Nikiɗi a yi Raayaaniŋ Ndamiŋ ngo."

Pula 24:4

Musaa fiissa woo ciŋ Nikiɗi jen. Wa Kooh wiis, a kurukka na ɓaaɓa teel, a haɓiɗta seeƴkoha ŋ tas tangoora, a yippa atoh ndaŋkiyaah na kanak (12) wuu cuuɓ ci ndaŋkiyaah na kanak (12) ciŋ Israayel.