Camba 1:1 - Yegɗohiŋ Muci

¹ Ŋ camba, Kooh fer eel ci na kehƴi.

Camba 1:1 Iomraidhean Croise

Pula 20:11

Laam, ngaŋ neeh yasna-yino, ŋ haɓɗiɗ eel ci na kehƴi na cookmi na in ci nik nga ca jen, ŋ faɗta mbehi yasna-kanakɗoh ŋ iɗsiɗukka nga, weɗ tah ŋ barke'iɗta mbeheem, ŋ tummbaa wuu so.

Pula 31:18

Wa Nikiɗi ƴut woo na Musaa ŋ ɗafuk tangooraŋ Sinaay, a eɗta ɗe atoh ca kanak ca ɗapas ca woo ciŋ Ambtiɗohi fiisohse, atoh ca fu inah ne a Kooh fiisootee ca.

Macce 11:25

Ŋ jamanoocaam, Yeesu woosa ne : « Mi yii corkiɗ ɗa Baab, fu yi Heɗ Eel ci na kehƴi, ŋ ini fu ɗasɗoh heɗ haf ci na ñaañiɗ ci in cii, fu teeɓpa ca komaakci.

Maarko 13:19

Laam ŋ mbeh ceem ɓooɓi hey raake miskiɗ. Miskiɗ mand ɗaa moosɗi raakoh ina Kooh feroh Adina poyi te wa raakissanɗi.

Tum ci 14:15

« Ƴaaɓiŋ ngo, wa ye ɓek ɗu ŋ inii ? Ɓoo nam nik ɓo' njaay findiiɗu. Ɓoo hay ne ɓoo woo ɗu yegɗoh neɓiɗ ne ɗu faɗ in ci raakaaɗi njiriñ ci te ɗu wiiruk ŋ Koohi na pese, yi fer Eel ci na kehƴi na cookmi na in ci nik nga ca jen.

Tum ci 17:24

Kooh yi fer adinaani na in ci nik ŋ ɗooƴi jen, te a yi Heɗ Eel ci na kehƴi, a genɗi ŋ ɗisik ci na kiimohse ci yaah ɓo' haɓiɗ.

Tum ci 4:24

Wa ɓa kerah ineem, ɓa jen ɓa hunnda ɓa kiimeeɗa Kooh an : « Heɗ ɓoo, a fu fer Eel ci na kehƴi na cookmi na in ci nik nga ca jen.

Ɓi Rom 11:36

In ci jen puloh nga ɗe, in ci jen nikiɗ taamboh nga ɗe, in ci jen wuu ce. A yi yakɗaah po faw ! Amiin !

1 Korenta 8:6

waaye ini kaɗ nga ɓoo, Kooh yino dong a yi raak, te a Baabi, yi fu inah ne in ci jen puloh nga ɗe te ɓoo nik ɗah, ɓoo nik wuu ce. Te a Heɗ yino dong nam raak : a Yeesu Kiristaa yi fu inah ne in ci jen nikiɗ taamboh nga ɗe, ɓoo namiɗ nik taamboh nga ɗe.

Ɓi Efes 3:9

Kooh namiɗ to baahoh ne ŋ ñiiniɗ wuu ɓooɓi [jen], findi a na tiindɗohe ini a tufuk tum. Kooh yi fer in ci jen, a yi ɗasɗee ineem ŋ ɗooƴ ce ŋ jamanooci coot jen.

Heber ci 1:10

Kooh namiɗ woo ŋ Fiis ci ne : « Ngaŋ camba, eey Heɗi, a fu yip kehƴi te a fu haɓiɗ Eel ci na yaah ciŋ ɗa.

Heber ci 1:2

Waaye ŋ jamanoociŋ reehɗohaaniŋ adinaani ɓoo nikoh cii, a woyiɗ na ɓoo taamboh ŋ Kuɓkiŋ ɗe. Ŋ camba, adinaani na findi wa na tiindohe jen, a feroha Kuɓkeem. Te a yi a eɗan in ci jen.

Heber ci 11:3

A kos tah po, ɓoo hotta ne Adina ferohu woo kiŋ Kooh, kon in ci na hotke pulohɗi ŋ ini ɓo' min hot.

Heber ci 3:4

Kahan nu taɓahu ɗah, a ɓo' taɓaha waaye a Kooh taɓah in ci jen.

2 Piyeer 3:5

Ɓooɓeem na alkoh alkohɗuke ne ɗeɓgaan, Kooh fereen Eel na keheƴ taamboh ŋ woo kiŋ ɗe, kehƴeem pulohee ŋ masuɓ, wa nikee ŋ leero masuɓ.

1 Saaŋ 1:1

Ini raakee, kooɗoh ŋ camba poyi, ɓoo kerahhaa, hotoottaa na has ciŋ ɓoo, ɓoo marakkaa baahiɗ te ɓoo laallaa na yaah ciŋ ɓoo, weɗ Woo ki na onohe kipes ki.

Teeɓ ki 10:6

A ginnja ŋ Kooh yi na pese po faw, yi fer Eel ci na ini nik nga jen, na kehƴi na ini nik nga jen, na cookmi na ini nik nga jen. A woosa ne : « Sekɗoh raakisɗi !

Teeɓ ki 14:7

A woyeeɗa ŋ ɗafka ne : « Nupaat Kooh te ɗu yakɗee ɗe. Laam wahtuuni a atte'ohan reyiɗ. Ñaamkaat Yi fer Eel ci na kehƴi na cookmi na cul ciŋ masuɓ ci. »

Teeɓ ki 21:6

A ɓaatta nga ne : « Ca mitiɗ sik ! Ñam Alfa na Omega, cambohaani na reehɗohaani. Ŋ hey one yi sifaɗuk a an ŋ culiŋ masmiŋ kipes ki, wa raakɗi wirind.

Teeɓ ki 22:13

Ñam Alfa na Omega, yi koc na yi mirndoh, cambohaani na reehɗohaani.

Teeɓ ki 3:14

Fiisa inii wuu malaakaaniŋ Janguunaŋ Lawdise, woyaa ɗe ne : “ Yi na woyse "Amiin", Seedeeni woor te a woyee keeh, Yi in ci Kooh fer jen taamboh nga ɗe woo inii :

Teeɓ ki 4:11

« Heɗi, Koohiŋ ɓoo, a fu yakɗaah, fu yeyyoo cir na hatil. Laam a fu fer in ci jen fu waaɗta ne ca raak, ca feruusa. »