Tpyuu 19:4 - The New Testament in the Rossel Language also called the Yele Language of Papua New Guinea

⁴ Yi ngwo kada pini myoy꞉a mê páádi, tpile tp꞉oo páádi knî yi k꞉ii, nmî Mî ka kwodokwodombiy꞉e k꞉ame ghê dniye, apu, Yinté choo ya. Apu, Nmî Lémi chaa kîgha koo.

Tpyuu 19:4 Iomraidhean Croise

Mátiyu 28:20

Yepê, Dêêpî kópu n:ii nmye nî vyi too, yi nuwo dp:uu kalê tóó, mb:aamb:aa ngê dny:oo chââchââ dé. Yepê, Nkîngê ngê kêê nangê t:oo. Yepê, Dye ghi yintómu nmyi p:uu anî ya, u dî, kuwókuwó wéni amî d:ii. Wu u dî.

Mátiyu 6:13

Nmî tókótókó ndîî têdê nangê ńuw:o nmo, ngmênê Dono u Kn:ââ kwulo dpî dyé nmédi.

1 Kódin 14:16

Dini ghi n꞉ii ngê pi ngmê ngê ghê dmi mbêmê Chóó Lémi dpî chaa kwolo, pi knî y꞉oo angênté wa vyi ngmê, Ndê kópu, mu kópu u dîy꞉o daa yi lama dpî chaa kwolo.

Tpyuu 19:1

U kuwó dini ghi ngê mbóó p꞉uu pi yilî yi dnye dmi ndîî nî nyongo, nmî Mî dnye chaa kîgha, apu, Nmî Yâpwo chaa kîgha koo. Apu, Nmî Yâpwo ngê u yoo kamî ngê dê pyódu té, kóó k꞉oo dê kaa té. Apu, U pi ndîî, u wêdêwêdê mye ndîî.

Tpyuu 19:3

Myombó dnye chaa kîgha, apu, Nmî Yâpwo chaa kîgha koo. Apu, Yi pyópu u kpadakpada u ndê dpudu adî koko, chedê ngê daawa pyódu.

Tpyuu 19:6

Yi ngwo pi yilî yi dnye dmi nî nyongo, t꞉ââ pââ ndîî ntee wunê dpudu yédi, mye yinté. Mwini dpodombiy꞉e ntee a mbumu yédi, yi dnye dmi mye yinté. Apu, Chóó Lémi chaa kîgha koo, mu kópu u dîy꞉o nmî Lémi, nmî Yâpwo, king ndîî ngê dê pyódu, u wêdêwêdê mu daa mu tp꞉ook꞉omo.

Tpyuu 5:14

Yi ngwo tpile tp꞉oo páádi knî y꞉oo apê, Yinté choo ya, wod꞉oo kada pini yoo nmî Mî ka myenté sipi tp꞉oo ka kwodokwodombiy꞉e k꞉ame ye ghê dniye.