Tpyuu 14:7 - The New Testament in the Rossel Language also called the Yele Language of Papua New Guinea

⁷ Dpodombiy꞉e ye doo mbumu, yepê, Chóó Lémi dmyinê chââchââ, myedmyinê chaa kîgha, mu kópu u dîy꞉o daa kêmakêma a kóté kîgha nmyo. Yepê, Mbóó dyámê yinê l꞉âmo doo, ntii mbwaa yinê mye l꞉âmo doo. Yepê, Ntênê dmyinê chââchââ.

Tpyuu 14:7 Iomraidhean Croise

Mátiyu 25:13

Wod:oo Yesu ngê yepê, Nuw:o mbêmê dmyinê paa, u ngwo dmyinê t:âât:ââ nê. Yepê, Wéni n:ii ngê amênê diyé, yi wéni nmyi lama daa tóó.

Luukî 17:18

Yepê, Lukwe dîy:o Chóó Lémi u yoo vy:o pini chu knî y:oo, Chóó Lémi doon:aa kwuno ngópu, kn:aa p:aani pi ngmê ngê u mo até d:uu kwuno.

Dpodo 14:15

Yepê, Lukwe dîy꞉o ye kópu nmye d꞉uud꞉uu ngmê? Yepê, D꞉ee yâpwo dê, nyo nmyo ntee pini dê. Yepê, Kópu mb꞉aa p꞉uu nmye nye danêmbum mo. Yepê, U yi nye a kwo, Nmyi k꞉omodanê kópu knî yi p꞉uu nyinê diyédiyé kîgha nmyo. Yepê, Yâpwo njini ka dmyinê ngêpê, n꞉ii ghê a t꞉a, n꞉ii ngê mbóó dyámê l꞉âmo doo, ntii mbwaa mye l꞉âmo doo, tpileni yi ghê a pyede té, yinê mye l꞉âmo too.

1 Pita 4:7

A tîdê mbwó yoo, kuwókuwó wéni daa kêmakêma a dyimêdyimê, tpile yilî yintómu yi ngwo chedê ngê wa pyaa dmi. Yi kópu u l꞉êê dîy꞉o namê ghétighéti, mb꞉aamb꞉aa ngê nmye dmyina a vyuwo, u ngwo dmyinê ngêpê.

Tpyuu 11:13

Yi ngwo têpê dpodombiy꞉e doo ghêdê, yi p꞉aani pee ngmê vyâ, chêêpî ngomo y꞉i a vyóó dniye, pi pyud꞉o yono yono y꞉a vyâ, ngmênê pee mê chu daa vyâ. Yoo wo yéli nkîngê ngê y꞉a y꞉a pwiyé dniye, yâpwoni mbóó p꞉uu wunê tóó, u wêdêwêdê ndîî ngê y꞉e pyodo.

Tpyuu 11:18

Kwo, Mgîdî u yoo ṉga a nod꞉enod꞉e nyédi, ala ngwo ye u nkwo chi nod꞉e. Kwo, Yélini pw꞉oo dniye, ala yi kóté kîgha u dye ghi. Kwo, Ṉuu u yoo, ṉgomo kapî pyu yoo, ṉmodo pyu yoo, n꞉ii knî y꞉oo a chââchââ ngi, yi pywuu dmi ala ngwo ye nye yémî, k꞉omo tpile yi pi dmi ndîî dé ó têdê dé. Kwo, N꞉ii knî y꞉oo dyámê dnye dyede, ala ngwo u nkwo nye dyede té.

Tpyuu 15:4

Kópu, Nmî Lémi, pi yintómu knî y꞉oo adnyi chââchââ ngi, m̱i mudu y꞉i adnyi kmîmî, mu kópu u dîy꞉o nyi ntee pini daa m꞉uu a tóó, nyi mu ngmidi Yâpwo ndêndê. Kópu, Pi dyêêdî yintómu ṉgîma amî ghê dmi, yi yi mbodo dmi ngê k꞉ame ṉga wa ghê dmi, mu kópu u dîy꞉o dipi kn꞉aadi ngê, pi yintómu knî y꞉oo ṉgópu dyuu mb꞉aa dê m꞉uu t꞉oo.

Tpyuu 16:9

Kââdî ngê yélini nk꞉êê ngê, nmî Mî p꞉uu dnye peede tpapê, mu kópu u dîy꞉o u kópu mbêmê dnye mgînî vyîmî. Dono u maa dêpê kuwo ngópu, u pi myedêdnya a kmîmî.

Tpyuu 18:10

Pyópuni mââ ti módu, mye p꞉aa ndîî ngmê, u pi Mbápilon. Yi p꞉aani wa a kuwo ngmê, daa chono adnyin꞉aa kwo, u kpadakpada u l꞉êê dîy꞉o adnyi nkîngê. Adnyi mbê, awo, Ayi, Mbápilon. Awo, U pi ndîî ngê a tóó, u yoo yi wêdêwêdê ndîî, ngmênê ala ngwo da ghay dmi, yi kpadakpada u mbwaa kuu lîmîlîmî ngê dê nda ngmê.

Tpyuu 18:17

Yewo, Yi tpile yilî lîmîlîmî ngê chedê ngê dê pyaa dmi. Yélini nkéli k꞉oo a dpodo té, yi ngwo nî m꞉uu too. Tpiipi yoo nî m꞉uu too, paambwi pyu yoo my꞉aa m꞉uu too. Daa chono dnyen꞉aa kwo,

Tpyuu 18:19

Dnye mbê, dpodombiy꞉e myednye yii, apu, Ayi. Apu, Kî p꞉aani u pi ndîî. Apu, Yélini yi k꞉ii ntii mbêmê nmo dpodo té, yi p꞉aani tpémi y꞉oo tpile yilî nmo dnye pywupwi dé, ngmênê yi tpile yilî lîmîlîmî ngê chedê ngê dê pyódu.

Tpyuu 19:5

Chóó Lémi kwéli doo ya, pi ngmê u dnye y꞉i nî nyongo, apê, Nmî Yâpwo p꞉uu dpodo pyu yoo. Apê, Nmî Lémi dmyinê chaa kîgha. Apê, N꞉ii knî y꞉oo a chââchââ ngópu, a dnye ny꞉ee yó. Apê, K꞉omo tpile nmyi pi dmi ndîî dé ó têdê dé, ngmênê dmyinê chaa kîgha.

Tpyuu 4:11

Nmî Lémi, nmî Yâpwo, U p꞉o dpî yé, nmo chaa kîgha ngi, m̱i nmo kmîmî, mu kópu u dîy꞉o ṉgwêdêwêdê ndîî. Tpile yilî yintómu ṉ́yóó nyi l꞉âmo ngê, ṉ́yóó ḻ꞉êê dîy꞉o a pyede, yi ghê dmi mye pyede.

Tpyuu 4:9

Pini n꞉ii chedê ngê daawa pyódu, nmî Mî, dini ghi n꞉ii ngê yi tpile tp꞉oo páádi knî y꞉oo a chaa kîgha ngópu, a kwunokwuno ngópu, u pi a kmîmî ngópu,

Tpyuu 8:10

Dini ghi n꞉ii ngê enjel pyoloni ngê u dpuwo wóó, pudu ndîî ngmênî módu, pywápê k꞉ii doo pîpî. Mbóó p꞉uu a ghay wo, dyámê mbêmê mî dyimê wo. Yi dyámê pee u ngwo dyênê ngê, woni dê daa dyênê doo. N꞉ii dyênê ngê, mbwaa dyênê too, dpuwó nuu mye dyênê too.