Taitas 3:10 - The New Testament in the Rossel Language also called the Yele Language of Papua New Guinea

¹⁰ N꞉ii ngê u yi u ngwo adî kwo, Yoo nî chaa, woni yoo a pee nê kaa té, yi pini ka dpî kwódu ngi. Ṉye daawa ny꞉ee knomomê, myombó u kwo moo kwódu ngi. Ṉye myedaawa ny꞉ee knomomê, yed꞉oo kpeme u kwo dpî yey.

Taitas 3:10 Iomraidhean Croise

Lóma 16:17

A tîdê mbwó yoo, ala kópu a ny꞉ee yó. Pi ngê chóó u nuw꞉o ghi mbêmê kîngî chámê nmyo, nmyi kêlîmî myekîngî dyênê. Pini n꞉ii ngê yinté kópu nmye choo d꞉uud꞉uu, yi pini dmyina a kuwokuwo. Yesu u kópu dyuu mb꞉aamb꞉aa ngê nmyi ndê ngópu. Pini n꞉ii ngê u yi adî kwo, Yi kópu nî ngmêê té, yi pini mêdmyina a kuwokuwo.

1 Kódin 11:19

mu kópu u dîy꞉o nmyi vy꞉o n꞉ii yoo a mbodo ndîî mbodo ndîî nyédi, nipi dpo wuwó, yinê ye kópu yilî yintómu yi lama a pyede, wo yéli yi lama dnyinté a pyede. U yi y꞉e a kwo yédi, Pi knî y꞉oo dny꞉oo chaa kîgha nmo. Apuu! Yinté daadî ya.

2 Kódin 13:2

Dini ghi n꞉ii ngê myombó nmye munê loo, kópuni yi ngwo nmyi ngêêdî n꞉uu vyu, ala ngwo nmye mênînê tpapê. Yélini mwiyé dnya a dono, wo yéli mye yi k꞉ii, ala kópu dpo ny꞉ee y꞉e. Dini ghi n꞉ii ngê nmye anê lê, yi ngwo daanê kede, ntênê wanî kpada nmyo,

Nkalásiya 5:12

N꞉ii knî y꞉oo u yi a kwo, Ala yéli yi pi njini too nmo a ngêêpî dé, kópu dono ye d꞉uud꞉uu ngmê, yi yéli y꞉oo yi chóó yi vyóó w꞉uu dmi dny꞉oo a ngêêpî dé.

Nkalásiya 5:20

Kn꞉aa yâpwo dé a chââchââ tumo, a nkwépinkwépi nyédi. Noko a diya nyédi, numo p꞉uu a d꞉uu nyédi, a ń꞉ee kapî nyédi. A nod꞉enod꞉e nyédi, yi chóó yi p꞉uu a nuw꞉o nyédi, yoo dpî chaa t꞉oo, yi chóó yi pee a kapî tumo.

2 Tesalonika 3:14

N꞉ii ngê nmî kópu dyuu daawa ny꞉ee knomomê, dpî mya yó, kpeme u kwo dpî yaa dmyeno, mywene u ngwo paa ghê we.

2 Tesalonika 3:6

Nmî tîdê mbwó yoo, nmî Lémi Yesu Kédisu u pi ngê ala kópu nmye nmînê tpapê. Yesu u yoo vy꞉o yélini a lîme nyédi, myedaa dpodo nyédi, yi yéli yi vy꞉o a pwii dmyeno, nmî dnye dmi daa nyêmî t꞉oo.

2 Timoti 3:5

Yi komo knî y꞉oo nmî Lémi adnyi chaa kîgha, ngmênê u wêdêwêdê yi gha vy꞉o daadî ya. Yinté yéli ye kpeme dpî yey.

2 Pita 2:1

Nmî kn꞉ââ yoo yi vy꞉o pi knî ngmê y꞉oo Chóó Lémi u komo k꞉omo ngê ntee dnyimo a kapî, pi ngmê knî y꞉oo yinté adnyi dódó nmyo. Ndiye têdê kamî angmê kpêmî ngmê, yélini tumutumu yi p꞉uu adnyi ndiye, maa ndêndê wa kn꞉aadi ngmê. K꞉omo tpile yi pi dódó pyu yoo yi yikî dmi nmî Lémi u pwo ghay wo, ngmênê u pi wa dyênê ngmê. Nmî Lémi ngê mgî daawa a puwâ, ayi ngwéti té, ntênê wa chedê té.

2 Njon 1:10

Pini n꞉ii nmye dê lee knomomê, Yesu Kédisu u kópu dyuu ndêndê nmye daadîn꞉aa tpapê, yi pini nmyi ngomo k꞉oo ngomo k꞉oo kêngên꞉aa koko, kóó myenangê mgîmî,