Njon 16:3 - The New Testament in the Rossel Language also called the Yele Language of Papua New Guinea

³ Nmopê, Yi kópu yilî nmye adnyi d:uud:uu, mu kópu u dîy:o M:aa k:ii yi lama d:ii tóó mo.

Njon 16:3 Iomraidhean Croise

Luukî 10:22

Yesu ngê pi knî ye yepê, Kópu yilî n:ii n:aa tpapê too, M:aa ngê yinê a ka dpo vyi té. Yepê, Pi ngmê u lama daa tóó, Nê lónté pini, M:aa u lama u mo a tóó. Yepê, Pi ngmê u lama daa tóó, M:aa lónté pini, a mo a lama a tóó. Yepê, N:ii ka M:aa mb:aamb:aa ngê anê kêma, yi pini u lama M:aa ndêndê ngê adî ya.

Njon 15:21

Nmopê, Yi dono kópu yilî nmye wa d:uu ngmê, mu kópu u dîy:o nmyo a yoo, daa mya noo, n:ii ngê a dy:ââ noo, yi lama myedaa tóó.

Njon 15:23

Nmopê, Pini n:ii knî ye nî diya wo, yi pini knî ye M:aa mye diya wo.

Njon 17:25

Kwo, M:aa. Kwo, Kn:aadi te kópu ḻama daa tóó. Kwo, Mgîdî u yoo yi lama d:ii tóó, ngmênê a lama nye tóó, ala yéli yi lama ala kópu mye tóó, ṉ́yóó nyinê dy:ââ noo.

Njon 17:3

Kwo, N:ii ngê ala kópu dpî vyi, dpo, Chóó Lémi nmî yâpwo ndêndê, daamo a tóó, dpo, pini n:ii a ngmidi ngê, wu Yesu Kédisu, kwo, yi pini ngê ghê kamî dpo pyw:oo.

Njon 8:19

Pádisi knî y:oo kwo, Angênê m̱î? Yesu ngê yepê, Dmyongê mya noo, M:aa nmyi lama myedaa tóó. Yepê, W:ee mya noo, ye M:aa nmyi lama myepî tóó.

Njon 8:55

Yepê, Daa nmyi lama pini, ngmênê a lama pini. Yepê, Ala kópu nmye wudî vyi, Daa a lama pini, ye nmye pînê k:omodanê, p:aa nmyo ntee pini. Yepê, Ngmênê a lama pini, u kwo n:aa ng:aa, u pono n:aa vyápê.

Dpodo 3:17

Yepê, A tîdê mbwó yoo. Yepê, Dini ghi n꞉ii ngê nmyi kada pini knî yi k꞉ii Yesu nmyi vya ngópu, nmyi lama dêpwo ya, Yi pini Chóó lémi ngê a ngmidi ngê.

1 Kódin 2:8

Dyámê mbêmê kada pini yoo yi lama yi kópu dyuu dêpwongmê ya. Yi kópu dyuu yi lama wodoo kwo, ye nmî Lémi ndêndê kîdosi ńedê daapî t꞉ee ngópu.

2 Tesalonika 1:8

Yi ngwo ndyuw꞉e wa t꞉aa ngmê, yélini yi lama Chóó Lémi daa tóó, myenté n꞉ii knî y꞉oo nmî Lémi Yesu u kópu dyuu mb꞉ii ngópu, yi ngwo wa kpada t꞉oo.

1 Timoti 1:13

K꞉omo tpile mwiyé u pi noo a dyede, u ya a nga doo kwo, U kwee nê châpwo, u yoo knî yi p꞉uu myenoo a dono, ngmênê u kwo nê ch꞉anê wo, mu kópu u dîy꞉o daa a lama noo a m꞉ii, u ngwo u kwo dênoo a kêlîmî.

1 Njon 2:23

N꞉ii ngê Yesu dpî mb꞉ii, u mî Chóó Lémi myoo mb꞉ii. N꞉ii ngê Yesu a chââchââ ngê, u mî Chóó Lémi mye chââchââ ngê.

1 Njon 3:1

Ndîî kópu ngma ala. Nmî Mî nódo nmî nuu ghi dmi ntênê wunê tóó, u l꞉êê dîy꞉o tp꞉oo módó tp꞉oo mââ ngê a pyódu nmoo, u pi nmî p꞉uu t꞉ângo. Yi kópu u l꞉êê dîy꞉o dyámê mbêmê tpémi y꞉oo daa myeme nmoo, nmî Mî yi lama myedaa tóó.

1 Njon 4:8

Pini n꞉ii nódo yoo yi nuu ghi dmi daa ya yédi, yi pini u lama nmî Mî daa tóó, nmî Mî dêwunê nj꞉ii ngê, mu kópu u dîy꞉o nmî Mî nódo nmî nuu ghi dmi ntênê a tóó.

1 Njon 5:20

Nmî lama ka tóó, Chóó Lémi Tp꞉oo nmo a loo, u Mî nmî nuwo yinê mî kwólu, pini n꞉ii Yâpwo Ndêndê. Nyââ, Yâpwo Ndêndê p꞉uu nmo pyede, myenté Tp꞉oo Yesu Kédisu p꞉uu myino pyede. Yi pini Yâpwo Ndêndê, mye ghê kamî u kn꞉ââ.