Mátiyu 8:8 - The New Testament in the Rossel Language also called the Yele Language of Papua New Guinea

⁸ Yi pini ngê kwo, D:aa u ntââ. Kwo, doo u ntââ a ngomo k:oo daanyinê nî. Kwo, Ngmênê kópu yi vyi, a dpodo pyu u ngwo wumê pyiyépyiyé.

Mátiyu 8:8 Iomraidhean Croise

Mátiyu 3:11

Yepê, N:ii ngê u dono yilî wa kéé té, yi pini mbwaa ngê wanî mbápitisîm kwolo, ngmênê pini n:ii a kuwó wunê kwo, yi pini ngê Chóó Lémi u Ghê Dmi ngê wa mbápitisîm kalê nmyo, ndyuw:e ngê wamye mbápitisîm kalê nmyo. Yepê, Pini n:ii a kuwó wunê kwo, u pi ndîî. Yepê, Nê têdê. Yepê, D:oo u ntââ, u nkîgh:ê daanî nî. Yepê, Nê tp:ee.

Mátiyu 3:14

Ngmênê Njon ngê kwo, P:ee wuchi mbápitisîm kalê nê. Kwo, Lukwe dîy:o m̱ápitisîm kîgha u pi a ka nye tpapê.

Mátiyu 8:3

Yesu ngê kêê p:uu yó, kwo, U ya a nga ka kwo. Kwo, Ṉ́upwó dî chedê. Yi ngwo yi mbii ngê yi pini a kuwo ngê.

Mátiyu 8:7

Yesu u kwo póó wo, kwo, Mumdoo ṉgomo k:oo anê lê, ṉmodo pyu an:uu pyi?

Mátiyu 8:9

Kwo, Kópuni nye tpapê, ndêndê ngê a pyodopyodo. Kwo, Kópuni a kada pini ngê a ka dpo vyi, dpî d:uu. Kwo, Kópuni a lede knî ye dpî vyi, dpî d:uu ngmê. Kwo, Kópuni a dpodo pyu ka dpî vyi, ntênê dpî d:uu. Kwo, A dpodo pyu u l:êê dîy:o pyiyépyiyé u pi vyi ngi, yed:oo u ngwo wumê pyiyépyiyé.

Luukî 15:19

Doo u ntââ ṉ́m:ee ngê mêdaanî ya, ṉmodo pyu ngê pyódu nédi.

Luukî 15:21

Yepê, Tp:oo ngê kwo, M:aa, Chóó Lémi ka noo dono, ṉga myenoo dono, doo u ntââ ṉ́m:ee ngê mêdaanî ya.

Luukî 5:8

Dini ghi n:ii ngê Saimon Pita ngê yi kópu yi módu, Yesu yu km:ee dyimê wo, yu mbodo dê y:e k:ame ghê wo, Yesu ka kwo, A Lémi, kwo, nyi nmî pwo pini ndêndê. Kwo, A nkîgh:ê a yumwe, mu kópu u dîy:o nê pi dono. Kwo, Doo u ntââ a nkîgh:ê daanyi kwo.

Njon 1:27

Yepê, K:omo tpile u kada d:a ghê, ngmênê nê têdê. Yepê, N:ii a kuwó wunê kwo, u pi ndîî. Yepê, Doo u ntââ u nkîgh:ê daanî nî.