Dpodo 17:25 - The New Testament in the Rossel Language also called the Yele Language of Papua New Guinea

²⁵ Yepê, Doo u ntââ tpile u kwo daangmênmî y꞉oo, mu kópu u dîy꞉o tpile yilî yintómu yinê nmo wunê kuwo, ghê nmo yinê myewunê kuwo.

Dpodo 17:25 Iomraidhean Croise

Mátiyu 5:45

Yepê, Yinté kópu anmyi d:uud:uu dé, ye nmyi Mî Chóó Lémi nt:anê wanmyi yaa dmi, pini n:ii mbóó p:uu wunê tóó. Yepê, Yoo d:uudpî chámê, yoo mb:aa yoo dono yi pwo tpii nipi wunê gh:aygh:ay ngê, kââdî wunê pil:apil:a ngê.

Mátiyu 9:13

Yepê, Chóó Lémi ngê wunê kópuni a vyu, u nt:u kópu dmyinên:aa a pyw:êmî. Yepê, Ala kópu a vyu, Tpile tp:oo nk:êênî a ka daa ndîî kópu, pi ka vyuwo yi ndîî kópu. Yesu ngê yepê, Yélini yinê ye, Nmo mb:aamb:aa dé, daa yi yéli yi dîy:o al:ii nê loo, yepê, ngmênê kn:aadi te pyu yoo yi dîy:o nê loo.

Dpodo 14:17

Yepê, Dye ghi yintómu Chóó Lémi ngê chóóchóó nmye doo a kêmakêma, tpii nmye doo a dyede, kââdî nmye doo a dyede, nmyi yâpwo têdê nté nt꞉u mb꞉aamb꞉aa ngê doo kelekele, nmyi gha dmi mb꞉aamb꞉aa ngê doo pyépi, kópu mb꞉aa nmye yilî doo a d꞉uud꞉uu, mu kópu u dîy꞉o u yi u ngwo doo kwo, Pi knî y꞉oo a pyw꞉ee nêne.

Dpodo 17:28

Yepê, Pi ngmê ngê ala kópu d꞉êê ngê, apê, Wo daa vyîlo, daapóno pyede, myedaapóno m꞉ii té, nmî ghê dmi myedaapê t꞉a. Yepê, Nmyi vy꞉o pini ngmê ngê ala kópu mye d꞉êê ngê, apê, Nmo my꞉oo tp꞉oo yoo.

Lóma 11:35

N꞉uu ngê nmî Lémi ka wa vyi, A chóó a tpile ṉga nînê kuwo, dîyo moo wumo ngi.

1 Timoti 6:17

Yesu u yoo vy꞉o yélini yi nté ndapî ndîî, ala kópu ye dpî vyi ngi, yipi, Yoo nmyi maknopwo nangê ngmâno. Yipi, Nmyi nuw꞉o dmi nté ndapî yi p꞉uu kîngê kwo, kminté wa dóó nmyo. Yipi, Nmyi nuw꞉o dmi nmî Mî p꞉uu dny꞉oo kwo, pini n꞉ii ngê a yeede nmoo. Yipi, Daa mtîkó pyu, u yi u ngwo a kwo, A yoo yi gha dmi mb꞉aamb꞉aa ngê dny꞉oo ya.