Ts'etta 26:3 - Yiqsum

³ İne ölkee menne cigayna xhinnee axve. Zı vaka ixhes, vas xayir-düə hevles. Yiğne dekkıs İbrıhımıs k'ın g'aysır ha'asva uvhuyn karbı ha'asınbı: in gırgın cigabı vasiy vake g'abıynbışis heles.

Ts'etta 26:3 Iomraidhean Croise

Ts'etta 12:7

Rəbb İbramıs gyagu, uvhuyn: – Zı ina ölka yiğne nasılıs hevles. İbramee cus gyaguyne Rəbbis, maa'ad q'urbanbı allya'an ciga alya'a.

Ts'etta 13:15

Vak'le g'ecen cigabı gırgıne gahbışis vasiy vake g'abıynbışis heles.

Ts'etta 13:17

Oza, ine cigabışee q'omançe k'anyaqqamee ı'ğı'ykre, in cigabı Zı vas hele.

Ts'etta 15:18

Mane yiğıl Rəbbee İbramıka hav'uyne mugaavilee inəxüd eyhe: – Zı Misirne damayle xənne Fəratne damaysqameen ine milletbışin:

Ts'etta 17:19

Allahemee uvhuyn: – Sarree, yiğne xhunaşşee vas dix uxas, doyud I'saq' (əqəna) gixhxhe. Zı mugaavile mang'ukab, mang'ule qihniyne nasılıkab gırgıne gahbışis havaacesda.

Ts'etta 17:8

Vasiy vale qiyğiyne nasılbışis gırgıne gahbışis ğu alycaxvana Kana'anna ölka huvu, manbışda Allah ixhes.

Ts'etta 20:1

İbrıhım mançe Negevne cigabışeeqa ayk'an. Mana Qadeşneyiy Şurune yı'q'nee axva. Qiyğa mana sabara gahna Gerar eyhene şaharee axva.

Ts'etta 25:11

Allahee İbrıhım qik'uyle qiyğa mang'une dixes, I'saq'ıs, xayir-düə hoole. I'saq' Beer-Laxay-Roi eyhene cigee axva ıxha.

Ts'etta 26:12

I'saq'ee mane cigabışee toxum qeehe, mane sen şagav vəş nəqqees ezuynçile geed eyxhe. Məxüb Rəbbee mang'us xayir-düə hoole.

Ts'etta 26:14

Mang'uqa geed çavra-vəq'ə, həmbalar vobva Filiştinbışde ulen man alyaat'a deş.

Ts'etta 26:24

Mane xəmde Rəbb mang'us gyagu, eyhen: – Zı yiğne dekkee, İbrıhımee, ı'bəədat hı'ına Allah vorna. Qı'məyq'ən, Zı vaka vorna. Yizde nukarne İbrıhımnemee, Zı vas xayir-düə hevles, vake g'abıynbıb geeb qaa'as.

Ts'etta 28:13

Rəbbee q'ı't'yaaşil ulyorzul eyheyiy: – Zı yiğne dekkıne dekkına İbrıhımna, sayir I'saq'na Allah Rəbb vorna. Ğu g'alirxhuyn ç'iye vasiy vake g'abıynbışis heles.

Ts'etta 28:15

Zı vaka vorna, Zı ğu, nençeğana ark'ıneeyir havacı, ine cigeeqa sak'al ha'asda. Zı ğu g'alerçes deş, Zı uvhuyn gırgın ha'asın.

Ts'etta 31:3

Rəbbee Yaaq'ubık'le eyhen: – Dekkaaşine cigabışeeqa, vuşde ebanbışisqa sak'le. Zınar vaka ixhes.

Ts'etta 35:12

İbrıhımısiy I'saq'ıs huvuyn ç'iyebı Zı vasıd helesınbı. Valed qiyğa yiğne nasılıs heles.

Ts'etta 39:2

Rəbb Yusufukaniy vor, mana gırgın kar uftanda ha'as həsilexhenaniy. Yusuf Misirğançene xərıng'une xaaniy axvana.

Ts'etta 39:21

Rəbb Yusufukaniy vor. Yusufus Rəbbee yugvalla haa'a: zindanne xərıng'une ulesqa mana yugra qarayle.

Ts'etta 48:21

İzrailee Yusufuk'le eyhen: – Yizın qik'asın yiğbı k'ane qeetxheeyid, Allahee şu yik'el hivxanaa'as deş, şu dekkaaşine cigabışeeqa savaak'al haa'asınbı.

Ts'etta 50:24

Sabara gah ılğevç'uyle qiyğa Yusufee çocaaşik'le eyhen: – Yizda qik'asda gah k'ane quvxheeyib, Allahee şu yik'el hivxanaa'as deş. Allahee şu ine ölkeençe qığaa'asınbı. Mang'vee k'ın g'assır İbrıhımıs, I'saq'ıs, Yaaq'ubıs hevlesva uvhiyne cigeeqa şu quvkees.

Qığeepç'iy 2:24

Allah manbışe ts'ıts'a'ane uts'uruqa ilyakka-ilyakka İbrıhımıka, I'saq'ıka, Yaaq'ubıka hav'una mugaavile yik'el qavalyaa'a.

Qığeepç'iy 3:12

Allahee eyhen: – Zı vaka ixhes. Zı ğu g'axuvuva inçike ats'axhxhes: ğu millet Misirğançe qığavhuyng'a ine suval şu Zas ı'bəədat ha'as.

Qığeepç'iy 6:4

Zı manbışika mugaavileniy hav'u, co menne cigaynbı xhinne aaxvan Kana'anğançenbışin cigabı cos helesva.

Qığeepç'iy 6:7

Zı şoke Zasın millet ha'as, Zı vuşda Allah ixhes. Manke şok'le ats'axhxhesın, Zı şu Misireene əq'übeençe g'attivxhan hav'una vuşda Rəbb Allah vor.

Qığeepç'iy 6:8

Zı şu İbrıhımıs, I'saq'ı's, Yaaq'ubıs k'ın g'assır helesva uvhuyne cigabışeeqa quvkees. Man cıgabı vuşunbı ixhes. Zı Rəbb vorna».

Q'aanun q'öb'es 34:4

Rəbbee mang'uk'le eyhen: – Haane Zı İbrıhımıs, I'saq'ıs, Yaaq'ubıs k'ın g'assır helesva uvhuyn cigabı, şoke g'abıynbışis Zı manbışis heles. Zı vak'le man cigabı hagvanbı, vassemee maqa ikkeç'es əxəs deş.

Cühüt'yaaşis 11:9

Mana inyamıka cus cuvab huvuyne cigeeqa qarı. Mane cigeeab manar, dix I'saq'ır, neva Yaaq'ubır menne cigayn insanar xhinne çadırbışee aaxva vuxha. I'saq'ısıd Yaaq'ubısıd cus xhinne man mirasna cuvab huvu ıxha.